الحلقه { 5 }

أميره : مافيش ناس دون وزباله ابوها راجل عامل فيها طاووس ونافش ريشو
وامها كل ما اكلمها كلمه ناقص تقوم تضربنى
والاهبل ابنى مركبنى الغلط
نوال : ليه بس هوحصل ايه ؟
أميره : بصى يا ستنى اتكلمو فى الشقه وابوها قال عاوز شقه مش اقل من 3 اوض ورسبشن و2 حمام والمطبخ يكون كبير
سامى قال
**** ( بقلم هند محمد @isis Mohamed ) ****
سامى : خلاص اتفقنا ولاون انا بقول يبدؤ حياتهم بشقه صغيره وأمير وزينه يكبرو واحده وحده
ابو زينه : هو  ايه موضوع وحده وحده كل شويه انا مينفعنيش واحده واحده انا عاوز أئمن مستقبل بنتى
أميره : مستقبلها مش فى شقه كبيره او صغيره ما ممكن يكون عندهم قصر ويتهد المستقبل البنت فى راجل يحميها ويتقى ربنا فيها
ام زينه : بس يعنى لما تكون فى شقه كبيره يبقى افضل نضمن منين انهم لو اتجوزو فى شقه صغيره بعد فتره ينقلو فى مكان اكبر
أميره : طب ما
سامى : ( قاطع أميره ) خلاص يا ام أمير بدل ما نجيب شقه صغيره نجيب حاجه للعمر كله مش مهم
ابو زينه : طب كده تمام مش مختالفين
سامى : نقرا الفتحه بقى ؟
ابو زينه : لا مش لما اعرف أمير ناوى بعد ما يتخرج هيعمل ايه  ؟
أمير : اكيد هاشوف الماجيستير والدكتوراه واحاول افتح عياده
أبو زينه : امممم انته تخصص ايه ؟
أمير : انا بطنى
أبو زينه : هايل
**** ( بقلم هند محمد @isis Mohamed ) ****
نوال : طب يا أميره برضو الراجل مغلطش اهو بدل الشقه الصغيره شقه للعمر كله زى ما سامى بيقول
عزيز: اه بس برضو الراجل شكلو متعنطظ
أميره : اوى اوى ولا بقى لما قولت على موضوع الفرش والعفش
نوال : الله وماله دا كمان مش عاوزين يفرشو حتى اوضه او اتنين ؟
أميره  : قال ايه بعد كلام كتير بقى وزن منى عاوزين يجيبو المطبخ واوضه الاطفال بس والباقى على أمير وابنى الاهبل يقول مفيش مشكله
عزيز : لا ازاى المفروض بدل ما هما طلبين شقه كبيره كدا يبقى النص بالنص
أميره  : قولت كدا يا لهوى على اللى سمعته من امها بس الوليه كهينه كهن يا خرابى كنت هطق من جنابى
نوال : ليه قالتلك ايه ؟
أميره : الاول انتى مش مجهزه المطبخ لهدير ؟
نوال :اه دانا من وهى فى اعدادى كل ما يكون معايا فلوس كنت انزل اجبلها مره طقم صينى مره طقم حلل تيفال مانتى كنتى بتيجى معايا حتى الاجهزه الكهربائيه شريالها شهادة استثمار وشياله فلوسه عشان لما تتخطب فلوس الاجهزه تبقى موجوده حتى الفوايد مش بروح اسحبها الحاجه بتغلى
أميره : دا ليه عشان انتى أم واعيه لاكن ام زينه
**** ( بقلم هند محمد @isis Mohamed ) ****

ام زينه : انا مش جايبه اى حاجه لما يكون فى عريس مناسب نبقى ننزل نجيب الحاجات المطبخ والحاجات دى
أميره : ايوه بس برضو دى حاجات لابد منها المفروض كنتى تعملى حسابك
ام زينه : انا فى يوم او اتنين انزل اجيب كل حاجه او حتى بالتليفون
أميره : تليفون ؟
أمير : ماما الكلام ده مش مهم المهم انى بجد عاوز زينه ومتمسك بيها
ابو زينه : وده اللى يهمنى
أميره  : طب معلش بقى عشان نبقى على نور من اولها
انتو هتجيبو ايه واحنا هنجيب ايه  ؟
ابو زينه : هاتو الشقه وانتو جيبو اللى تقدرو عليه والباقى احنا نجيبو
سامى : بس برضو لازم نعرف مين هيجيب الاجهزه  والخشب والمطبخ وكدا الحاجات دى
ابو زينه : مانا قولتلك هاتو كل اللى تقدرو عليه ولو اتبقى حاجه انا هجبها دا بيت بنتى فى الاخر
أميره : بس يعنى
ام زينه  : بس ايه يا ام أمير انتى ليه مسره تعملى مشاكل من اولها
أمير  : لا لا ولا مشاكل ولا  حاجه خلاص بقى يا ماما
أميره :  يابنى مش نعرف راسنا من رجلينا
سامى : ابو زينه مش عاوز يقول وعاوز يخليها فى بيتها خلاص اللى هنقدر عليه هنجيبو والباقى اهو هو يجيبو
أميره : طب والشبكه والمؤخر وكدا
ام زينه : زينه زى بنات خالتها وعمتها يعنى متكنش اقل من 50 الف
اميره : 50
أمير : ماما خلاص ماشى بس نقرا الفتحه ونعمل خطوبه
ابو زينه : والمؤخر 50 زي الشبكه
أمير : اوك انا موافق
ابو زينه : اوك لو موفقن قومى يا أم زينه اندهى زينه من جوا
**** ( بقلم هند محمد @isis Mohamed ) ****
نوال : وهو كل ده ماكنتوش شوفتو زينه ؟
أميره : لا مشفنهاش  غير لما اتفقو وداخله ب 5 كبيات شاى تقرف لا طعم ولا شكل
نوال : شاى بس مقدموش حاجه تانى ؟
أميره : هو الشاى وجنبو كام شريحة كيكه تقرف برضو ناشفه كدا متتكلش انا قرفت امد ايدى واللى فارسنى وحارق دمى أمير اللى بيتنك على الاكل اكل الطبق كلو يا رب بطنو توجعو يارب
نوال : طب وسامى  اكل برضو ؟
أميره : اه كال وانا قاعده بقى بغلى كدا
عزيز : وانتى سامى بقى رأيو ايه ؟
أميره : موافق وبيقول البنت كويسه واى أب هيطلب فى بنتو كدا
نوال : خلاص ملكيش داعوه خليه يشرب هو وابنو هما احرار
أميره : ماكلو على دماغى فى الاخر
مالك يا هدير سكته يعنى مش بتتكلمى
هدير : هقول ايه دا اختيار أمير وهو حر
أميره : خلينى قاعده وساكته صبرنى يا رب 
هدير : مالك يا خالتى انتى عينك حمرا كدا ليه ؟
أميره : ضغطى عالى اللهى يعلى ضغطك يا زينه انتى وامك
هدير : هقوم اعملك كركاريه
أميره : يسلم ايدك يا رب واشوفك عروسه يا هدير يا رب
**** ( بقلم هند محمد @isis Mohamed ) ****
أمير : بطلى عياط بقى يا قلبى
زينه : شفت مامتك بتتكلم ازاى انا خفت منها
أمير : هى ما تقصدش هى بتتكلم كدا هى خايفه عليا
زينه : وكل شويه تقول نوال وهديو نوال وهديو ايه يعنى هديو دى احسن منى ولا ايه
لا لعلمك الحمد لله انا ماما وبابا يقدوو يجبولى كل حاجه انا عوزاها
أمير : والله عارف بس دى ماما وبعدين قولى لمامتك وباباكى ان كلمتى انا وبابا هى المهمه لاكن ماما مش مهم 
زينه : بعد ما مشيتو ماما بتقولى ان مامتك عصابيه اوى انا هعيش معاها ازاى دى
أمير : والله ماما طيبه اوى بس  هى كدا
زينه : أميو انا بحبك متخلنيش اضيع منك
 أمير : لا يا حياتى مش هضيعك وان شاء الله قريب اوى هحجز الشقه وهتعجب باباكى
زينه : متسبنيش يا أميو
أمير  : مش هسيبك طبعا دانتى حياتى
زينه : بقولك هى هديو دى مخطوبه ؟
أمير : لا
زينه : اومال طنط نوال بتجهزها ليه ؟
أمير : انا جدتى الله يرحمها جهزت امى وخالتى وهما صغيرين
فا هى بقى بتعمل زى جدتى وماما كمان بتجهز فرحه بتجبلها حاجات
زينه : بس كدا الحاجه مش هتبقى جديده موضه قديمه يعنى
أمير :  دماغهم يا يا زينه متوجعيش دماغك
المهم قوليلى باباكى قال عليا ايه ؟
زينه : هو معجب بيك اوى وكمان بعمو سامى بس مامتك بقى
أمير : قولتلك ملكيش داعوه بماما كلمها مش مهم
زينه : اوك خلاص انا هقوم بقى انام تصبح على خير
أمير  : طب هتحلمى بيه ؟
زينه : هو فى حد تانى فى قلبى غيوك عشان احلم بيه
أمير : يعنى قلبك دا بتاعى انا لوحدى ؟
زينه : اممم بتاعك انته وبس
أمير : والله انتى عمرى تصبحى على خير يا اجمل حاجه فى حياتى
**** ( بقلم هند محمد @isis Mohamed ) ****
سامى : انتى جيتى ؟
أميره  : اه جيت الموكوس ابنك فين ؟
سامى : بطلى بقى كلامك ده متخليش الناس يتكلموعليكى
أميره : ما هو انا اصلى لو ورايا راجل وكان ابنى راجل ماكنش يسيب ناس تتكلم عليا
أمير : ماما وطى صوتك
وكفايا اوى اللى حصل هناك
أميره  : بص البت دى لو اتجوزتها هتشوف ايام سودا
**** ( بقلم هند محمد @isis Mohamed ) ****
( والخناقه دايره فى الشقه جوا  وصلت فرحه وطالعه على السلم تكلم نفسها )
فرحه : يا ربى القرف اللى بدرسو ده انا مالى اخلص من الخنساء  الاقى الاصدقاء ولا القرءاه والقصه
انا زهقت من الدرس ده للدرس ده وفى الاخر هدخل ايه يا رب اتجوز واقعد فى البيت انا تعبت
يا رب اقفل المدارس والكليات
يا رب احرق كل الكتب يا رب المدارس تولع
هدير: ههههههه انتى كل ده دعاء ليه يا بنتى
فرحه : تعبت المدرس الجزمه قالى اراجع القراءه كلها عشان هيسمع وارحله يروح مسمع نصوص كنت هنط فى كرشو
ولا بتاع التاريخ انا مالى انا بمعهدة سايكس بيكو ولا معهدة الاستانا هتنفعنى فى ايه انا
هدير :   انتى مش علمى بتاخدى تاريخ ليه ؟
فرحه : النظام الجديد منه لله اللى حط النظام بتاع الثانويه اللهى اشوفو مولع كدا والمايه مقطوعه يا رب
هدير : طب بطلى دعاء وافتحى الباب جيبالكم بيتزا عملاها بأيدى قولت اجرب فيكم هههههههههه
فرحه : جات فى وقتها دانا جعانه جوع
هدير : يا رب تعجبك افتحى الباب بقى
فرحه :اوك حاضر متزقيش
( فرحه فتحت الباب وداخلت هى وهدير وكانت الخناقه لسه دايره )
سامى : وانا مش هجوز ابنى لوحده بنت حرام فهمه
أميره : متقولش على
امير : ماما خلاص هدير هنا
هدير : خالتى نسيتى تاخدى البيتزا
أميره : انتى داخلتى ازاى ؟
فرحه : انا فتحتلها هاتى يا هدير انا جعانه ( اخدت بيتزا وفضلت تاكل فيها ) الله دى طعمها حلوه اوى
هدير : ( واقفه وكلمت سامى بتفكر فيها ) انا هطلع بقى تصبحو على خير
سامى : انتى نازله من بدرى ؟
هدير : لا انا لسه اهو مع فرحه لما داخلت
تصبحو على خير
( وسابتهم وهى بتفكر )
فرحه : مالكم بتبصو لبعض كدا ليه ؟
أمير : مفيش
فرحه  : بالنسبه للبيتزا دى اللى مش هياخد ناصيبو محدش يكلمنى ماشى عشان هى حلوه اوى
أميره : يا طفسه
فرحه : جعانه يا ماما
**** ( بقلم هند محمد @isis Mohamed ) ****
شادى: الحمدلله كدا السيراميك خلص  ناقص الدهان وبكده الشقه تبقى جهزه على الفرش
أيه : طب الحمد لله بص احنا ندهنها ابيض وكل حيطه رائسيه فى الاوضه نعملها لون العفش
شادى : انا برضو كنت بقول كدا
انا كنت عند النجار وهوخلص الحاجات خاص على تركيب بقى الاكسسوار الاوكر الازاز المريات
أيه : انا فرحانه اوى ان خلاص يا شادى ربنا هيجمعنا اخيرا بعد 4 سنين خطوبه
شادى : 4 سنين خطوبه بنبنى بيتنا وبنحلم ببكرا
وكل قشايه فى البيت انا وانتى اللى جبناها محدش من اهلنا دافع حاجه
أيه : لابس بابا وماما شارين ليه حاجات كتير اللبس والحاجات المطبخ وكدا
شادى : ربنا يخلهملك والله عمى فتحى ده مفيش زيو
أيه : طب وانا ؟
شادى : انتى ههههههه سكرتى اللى بتحلى عليا ايامى وسنينى
أيه : حبيبى شاعر
شادى : اعمل ايه اذا كانت حببتى مصدر ابداعى
أيه : ااااااه من كلامك شادى انا بموت فيك ؟
شادى :  انا بقى بعيش بيكى وليكى
انا هنام بقى عشان الشغل بكرا
أيه : رايح المحكمه ؟
شادى : اه الحمدلله من ساعت ما كسبت كام قضيه كدا والمكتب بدأ يشتغل
أيه : ربنا معاك يا رب وتبقى اكبر محامى يا رب
**** ( بقلم هند محمد @isis Mohamed ) ****
نوال : مالك ماتنامى
هدير  : بفكر فى موضوع أمير ده
تعرفى انا لما نزلت اديهم البيتزا لقيت عمو سامى بيزعق وبيقول انا مش هجوز ابنى لوحده بنت حرام 
نوال : ( بانزعاج ) معرفتيش يقصد مين ؟
هدير : لاخالته أميره ردت عليه وقالتلو متقولش على
بس  أمير قطعها وقالها هدير جات
نوال : اه طيب نامى  يا حببتى بقى
 هدير : ماما انا كان ليه طلب كدا ؟
نوال : هوكل يوم طلبات يا هدير  ؟
هدير : لا والله دى حاجه مهمه وكمان هتشجعينى عليها
نوال : ايه هى الطلب ده ؟
هدير : هو بصراحه مش طلب واحد هما 3
نوال : ايه هما بقى وخلى بالك لو قولت لا يبقى لا
هدير : الطلب الاول
تفتكرو ايه هما الطلبات التلاته اللى عوزاهم هدير ؟
#اختيار_اجباري
#ادعوا_لهند