الحلقه  { 4 }

هدير : فرحه لبسى كدا مظبوط ؟
فرحه : موزه طلقه
هدير : ههههه طب الحمدلله
أميره  : اهو أمير جه
عزيز : (بصوت واطى بيكلم سامى ) هى دى العروسه هو ابنك مبيشوفش دى حوله وبنظاره ومليانه من تحت
سامى : مش عارف والله
فرحه : هههههه الحقى دى لبسه نفس البلوفر الاحمر ابو كور وترتر بتاع خالته ههههههههه
هدير : ههههه  دا اخوه بالظبط دانا امى هتبهدلنى بعد ما تمشو
فرحه : ليه مش احسن ما كنتو انتو الاتنين تلبسو زى بعض زى التوأم
نوال : اتفضلى اتفضلى
زينه : السلام عليكم اسيك يا طنط
نوال : اسيك انتى يا حببتى
أمير : اتفضلى يا زينه دى  اعرفك دى ماما
زينه : اسيك يا طنط
أميره  : الحمد لله نورتى
أمير : وده بابا
زينه : اسيك ياعمو
سامى : الحمد لله  تمام
أمير : الباقى بقى دا خالى فتحى ودى طنط سميه مراته طبعا وأيه ومحمد ولاد خالى وده شادى خطيب أيه هيتجوزو قريب
زينه : فوحنا انى اتعوفة بيكم بجد
( كلهم وهما بيبصلها على البلوفر الاحمر ابو كور وترتر ) وحنا كمان   فرحانين جدا ههههههه
أمير : دى بقى فرحه اختى واكيد دى هدير
زينه : كل سنه وانتى طيبه يا هديو
هدير : وانتى طيبه بس انا هدير مش هديو
زينه : اه مانا عاوفه
أمير : لا هو حرف  الراء بعفيه شويه رقه بقى هههههه
فرحه : اه بتكلى رقاق كتير اكيد ههه
أمير : بس يا سخيفه
زينه : لا باكل كووون فليكس هههه
فرحه : ايه كووون فليكس ده
أيه : اكيد تقصد كورن فليكس
زينه : اها بالظبط
عزيز : يعنى عرفتها على الكل وجيت على جدك ومش شايفنى
أمير : جدو حبيبى طبعا
زينه : اسيك يا جدو
عزيز : ( قام وقف ومد ايدو يسلم عليها) اهلا اهلا ازيك
زينه : ( مدة اديها تسلم وهى مكسوفه ) اهلا يا جدو
عزيز : اقعدى طيب ارتاحى
أميره : تعالى  هنا جنبى
زينه : حاضو
مالك يا فوحه بتضحكى اوى كدا ليه ؟
فرحه : لا ابدا فرحانه شويه ههههههههه
نوال : هى على طول كدا طول النهار  ضحك على الفضيه والمليانه
زينه : وبنا يسعدها على طول
نوال : حلو اوى البلوفر بتاعك جبتيه منين ؟
زينه : دى ماما اللى جابتهولى هى اللى بتشتريلى كل حاجه
نوال : وانتى مش بتحبى تختارى اللى على مزاجك وتجيبى لبسك انتى
زينه : لا انا ماما اللى بتجبلى كل حاجه هى بتشوف اللى يناسبنى وبتجبلى وانا بالبس وبس
نوال : ربنا يحميكى يا رب سمعه يا هدير
هدير : اه سمعه
أمير : ازواق بقى يا خالتى متدوقيش حصل خير
فتحى : الساعه داخله على 9 مش هنطفى الشمع ولا ايه ؟
فرحه  : شمع ايه يا خالو لسه بدرى على 12 كدا خلينا قاعدين شويه
أمير : لا يلا نطفى الشمع دلوقتى عشان زينه مش هتنفع تتأخر ولا مش عاوزه يا هدير ؟
هدير :  ااااااا اى حاجه متفرقش
فتحى : لا حاتو دلوقتى عشان انا عندى شغل بكرا بدرى
سميه : يادى شغلك ده روح مره متأخر
فتحى : انتى عاوزه رايس قسم الشئون القانونيه يروح متأخر
أميره : انا هقوم اجيب التورته
أيه تعالى معايا انتى وفرحه
أيه : حاضر
( داخلو كلهم نوال وأميره وفرحه وايه وسميه يجيبو التورته والمشروبات من المطبخ وهدير لسه قاعده معاهم باره )
زينه : انتى بتشتغلى صح  ؟
هدير  : اه
زينه  : فين ؟
هدير : فى المستشفى اللى فى كبرى القبه
زينه : اممم عوفاها
شادى :  انتى طب تخصص ايه  ؟
زينه  : اطفال
سامى :  ناويه تشتغلى فين لما تخلصى السنادى
 زينه : مش عاوفه بس بابا وعدنى هيجبلى عياده انا بابا دكتوو على فكوه
فتحى : بجد دكتور ايه  ؟
زينه  : نساء وتوليد
عزيز : طب حلو انتى ابوكى يولد وانتى خودى علجى الاطفال
زينه : ان شاء الله
شادى  : مش عاوزه تشتغلى فى مستشفى  ؟
زينه : اكيد بس اتخوج الاول
شادى :  ان شاء الله
نوال : اتفضلو نطفى الشمع
( وقفوكلهم حولين السفره يغنو لهدير سنه حلوه يا جميل )
فرحه : استنى قبل ما تطفى الشمع اتمنى امنيه
هدير : ( غمضة عنيها ) خلاص اتمنية
فرحه : طفى الشمع بقى
هدير : هوفففففففف
فتحى :  كل سنه وانتى طيبه يا حببتى ( وخادها فى حضنو وباسها )
هدير : وانته طيب يا خالو
سميه  : حببتى كل سنه وانتى طيبه
هدير  : وانتى طيبه
زينه : ( فتحت شنطتها وخرجة هديه )  كل سنه وانتى طيبه
هدير : وانتى طيبه متشكره اوى
نوال : قطعى التورته انتى بقى يا سميه
عزيز : انا عاوز حته من الشكولاته ها متنسيش
سميه  : حاضر يا عمى
نوال : كل واحد بقى يخلص طبقو ها
شادى انته مش غاريب
شادى : غريب مين دانا صاحب بيت ههههه
نوال  : ايوه برافو عليك
أمير : تعالو نقعد هنا احنا وخلو الكبار براحتهم
نوال : اه احسن خليكم على راحتكم
 **** ( بقلم هند محمد @isis Mohamed ) ****
( الكبار داخلو قاعدو فى الصاله قدام التلفزيون وكل واحد معاه طبقو والحاجه السقعه والشباب داخلو الصالون يقعدو سوى ويتعرفه )
فتحى : هو مافيش غير الحادثه بتاعت الاسكندريه ؟
نوال : كل القنوات بتتكلم عليها
سامى : ما هو التلفزيون كدا ما بيصدق مصيبه ويفضل يتكلم
فكرين برضو اليومين اللى فاتو كان الكوره والمتشات
فتحى : اه عندك حق
سميه : هاتو فيلم ولا تمثليه
أميره : فى حاجه يا بابا ساكت ليه
عزيز : لا ابدا هقول ايه يا ام العريس
 أميره :  مش عجباك زينه ولاايه ؟
عزيز : بصراحه لا ولما سلمت عليها كدا ايديها نشفه لا مش مهتمه بنفسها
فتحى : متابع انته يا بابا مش سهل انته
عزيز : وانته فاكر راحت عليا ولا ايه
سامى : ههههههه ربنا يديك الصحه
**** ( بقلم هند محمد @isis Mohamed ) ****
زينه : انا شايفه ان كل الافلام مش حلوه حتى الاغانى
فرحه : لا فى اغانى حلوه كتير دا كفايه تامر حسنى ومحمد حماقى وشيرين وعمرو دياب
أمير : لايا زينه بجد فى حاجات حلوه كتير
زينه : طب انا فى اغنيه اسمها بوتاح معاك
أيه : هااااااااا برتاح معاك دانا بموت فيها
شادى : اه وانا كمان
مالها بقى مش عجباكى ؟
زينه : بعيد عن الاغنيه بس المطوب فى مطوب يقول بوتاح معاك المفووض مطوبه هى اللى تغنى لاكن واجل يغنى كدا لابوظ الاغنيه
أيه : ياسلام لا عادى على فكره ايه المشكله
زينه : فى واجل يقول لواجل زيو  بصيغة المذاكر بوتاح معاك لا الوضع مش حلو ههههههههه
فرحه :  طب ما عبد الحليم بيقول حبك نار مش قادر اطفيها
وبيقول توبه ان كنت اصدق تانى كلامك
وبيقول نعم يا حبيبى نعم انا بين شفايفك نغم دا ايه انشاء الله ما صيغة مذاكر اهو
زينه : لا بس دى اغانى قديمه
طب سيبك من الاغانى الافلام كمان كلها ضوب وعنف وعشوئيات
هدير : طب وايه المشكله فى دى
دول بينقلو الصوره لناس عايشين ودى حياتهم
زينه : لا افلام مش مستوى بتعلم الناس  والاطفال سلوك مش صح
هدير : وليه متقوليش ان المخرج والمؤلف بيقول للناس خلو بالكم فى ناس كدا حولو اعملو ليهم حاجه
زينه : يعنى هنعمل لهم ايه ؟
شادى  :لاممكن نعمل كتير ممكن نشغلهم ونعلمهم نوفر لهم حياه كريمه
أمير : بس دى محتاجه فلوس كتير ولا ايه يا محمد ساكت يعنى
محمد : على شان كل اللى بتتكلمو عنو ده انشاء الله هيتغير فى حاله واحده لو فى عداله اجتماعيه لاكن للاسف
طول ما النظام ماشى كدا هيفضل فى ناس فى القمه وناس فى القاع
شادى : طب النظام هيتغير ازاى  ؟
محمد : بأننا نقول لا وننزل نعترض ونقول لا للفساد ولا للرشوه ونشوف فلوس البلد دى بتروح فين
شادى : عندك حق  بس هى فين الفلوس دى اصلا
أمير : مفيش فلوس فى البلد يا محمد
محمد : مفيش فلوس عشان بتتسرق
تقدر تقولى فلوس السياحه بتروح فين
فلوس السكه الحديد
فلوس مترو الانفاق
فلوس البترول والغاز الطبيعى اللى بنصدرو
فلوس قناة السويس والموالنى ال 5 الخامسه التانيه بتروح فين
دا غير الضرايب اللى على كل حاجه
دا يا أمير لو انته رايح من محافظه لمحافظه بتدفع فى الكارته مش اقل من 5 جنيه شوف بقى كام عربيه
شادى : عندك حق بس اكيد بيتصرف على البلد الدعم والاجور والمرتبات
أيه : وكمان المعاشات
محمد  : والله انتو مضحوك عليكم
زينه : طب انته عاوزنا نعمل ايه
محمد : انا واصحابى نزلين يوم 25 فى مظاهرهننزل ونقول عاوزين حقنا فى بلدنا
فرحه  : حقنا اللى هو ايه ؟
محمد : العيش من حقنا ناكل اكل نظيف مش متسرطن ولا ملوث بأشعاع
نطالب بالحريه مش اى حد يقول اى كلمه تانى يوم يتشد
شادى  : لالا مش للدرجادى فين يتشد ده
محمد : لا يا شادى البلد فيها بلاوى
ولا ايه يا هدير ؟
هدير : بصو انا مش بحب اتكلم فى حاجه مش بفهم فيها
محمد : ليه مش من حقك تاكلى وتشربى مش من حقك تطلبى بالحريه والعداله الاجتماعيه
فرحه : بص يامحمد العداله الاجتماعيه انا وخدها فى التاريخ ثورة 52  قامت عشان العداله دى ولحد دلوقتى مشوفناش حاجه
محمد : عشان كدا انا هنزل
أيه  : انا اقتنعة ايه رئيك يا شادى تيجى ننزل مع محمد ؟
شادى  :  اوك ننزل
زينه : انا هقول لماما وبابا الاول
أمير : وانتى يا هدير هتنزلى؟
هدير : انا عندى شغل وكمان ماما مش هترضى
شادى : وانتى يا فرحه ؟
فرحه: انا عندى دروس ومذاكره
زينه : الساعه 9 ونص انا لازم امشى بقى
كل سنه وانتى طيبه
هدير :  وانتى طيبه شرفتينى بجد
زينه : ميوسى
أمير : طب هنزل اوصلها واجى
(نزل أمير يوصل زينه والكل قاعد شويه وكل واحد روح على بيته )
**** ( بقلم هند محمد @isis Mohamed ) ****
( نوال داخلت تنام جنب هدير زى كل يوم )
نوال : شفتى زينه لابسه ايه زى البلوفر اللى جبتهولك اللى مكنش عجبك
هدير : ازواق بقى يا ماما
نوال : لا مش ازواق هى بتسمع كلام امها لازم انتى متنمرده
هدير : طب افرضى كنت لبست البلوفر كنت انا وهى لبسين زى بعض
نوال : وفيها ايه ؟
هدير  : ماحبش اكون لبسه زى حد
نوال : طب مانتى فى المستشفى بتلبسو كلكم الممرضين شبه بعض
هدير  : ماما خلاص بقى هبقى البسه مره تانيه اهو موجود
انا هنام بقى عشان هصحى بدرى
نوال  : انتى مش قولتى هتاخدى اجازه ؟
هدير : دا الاسبوع الجاى يا ماما من اول السبت الجاى  هاخد الحد والاتنين اجازه
نوال : طب كنتى خليتى الجمعه والسبت او خميس وجمعه
هدير : هو بمزاجى يا ماما الريسه هى اللى بتقسم الشغل
نوال : صحيح شادى جابلك ايه ؟
هدير : جابلى كتاب اسمو الخطوات العشره للنجاح 
نوال : اممممممممم طب زينه ؟
هدير : جابتلى علبة مكياج صغيره
نوال : امممم طيب نامى بقى
هدير : احضنينى يا ماما وانا نايمه
نوال : ههه حاضر بس كدا تعالى
**** ( بقلم هند محمد @isis Mohamed ) ****
أميره : خلاص مافيش غير البنت دى دى لادغه 
أمير : بس عجبانى وبحبها
سامى : المهم الاخلاق وانها تكون بنت ناس
أمير : ابوها دكتور وامها موظفه فى البريد
يعنى مستواهم حلو وكمان اخوها فى طب اسنان
فرحه  : بس بصراحه انا شيفاها بنت امها اوى كل شويه تقول ماما ماما ماما
أمير : متربيه دى بسكوته
أميره : بسكوته
يابنى كل البنات فى الاول بيبقو كدا
على رئى المثل تعرف فولان اه اعرفو عاشرته لا يبقى متعرفوش
سامى : احنا نروح نقابل ابوها ونشوف مش هنحكم على البنت من اول مقبله
أمير : زينه اخدة فعلا معاد بكرا من بابها
سامى : طيب على خيرت الله نروح ونشوف
**** ( بقلم هند محمد @isis Mohamed ) ****
أيه : ان خايفه عليك
محمد : من ايه يا بنتى هوانا نازل لوحدى دا فى كتير اوى هيبقو معايا
أيه : كبر دماغك مافيش حاجه هتتغير
محمد : لا المرادى لا هنغير وهنقول للظلم لا
سميه : انتو لسه صحيين
كويس هتاكلو ايه بكرا ؟
محمد : اى حاجه
 سميه : اه اى حاجه اللى هوايه يعنى
أيه : كل اكلك حلو يا ماما
سميه  : ابوكو عاوز عدس
محمد : مش بحب العدس اعملى حاجه تانيه
سميه : طب اطبخ ايه فكرو عشان اطلعه
أيه : اعملى حواوشى
سميه : ماشى ايوه كدا قولولى وريحونى
**** ( بقلم هند محمد @isis Mohamed ) ****
( وتانى يوم  فى المستشفى )
عزه  : يا قلبك يا هدير وقدرتى انتى وهى تقفو قصاد بعض ؟
هدير : اه تعرفى لما أمير نزل يجبها كنت هعيط  بس اول ما شوفتها فرحت
عزه  : ليه بقى ؟
هدير : عشان انا احلى منها  دى عنيها حوله وكمان لدغه فى الراء وكمان طخينه من تحت المنطقه دى كدا
تعرفى لو كانت احلى منى كنت زعلت
بس انا احلى
عزه : طب خالتك أميره رئيها ايه ؟
هدير  : مكنتش مدياها وش وكمان عمو سامى مش شكلو متحمس
عزه : انا مستغربه ازاى تقوليلو بحبك والموضوع يعدى بالسهوله دى
هدير : اه يا عزه ولا حتى حس بيه ولا اى حاجه بس هو وعدنى انو مش هيقول لحد
عزه : بصى انتى نصيحه منى انسيه بقى وشوفى غيرو الرجاله على قفه مين يشيل
هدير : اقولك على حاجه
عزه :  قولى ؟
هدير  : اول ما قالى انا بحبك زى اختى وشوفى غيرى والكلام اللى قولتهولك ده حسيت انى مش بحبه ولا حاجه
عزه : ازاى  ؟
هدير : مش عارفه  انا بفكر يمكن عشان مش قدامى غيرو حبيته
يمكن لو فى حياتى حد تانى مكنتش حبيت أمير
عزه : ممكن خصوصا انك محبتيش قبل كدا
هدير :  يمكن ادعيلى يا عزه ربنا يبعتلى حد يحبنى
عزه : ربنا عالم انا بدعيلك قد ايه
هدير : طب يلا بينا بقى نشتغل شويه قبل ما نروح مش عاوزين حد يزعق
**** ( بقلم هند محمد @isis Mohamed ) ****
أميره : طب البس ده ولا ده ؟
نوال : التايير احلى شكلو شيك
أمير : يعنى البدله لا ؟
نوال : البدله حلوه برضو
أميره : خلاص هلبس ده احلى
ادعيلى يا نوال البنت تكون كويسه
نوال : لا البنت كويسه انا حبتها
أميره :  غريبه انا محبتهاش
نوال  : لا مطيعه كدا وروحها حلوه مش مجنونه زى فرحه ولا نمروده زى هدير
أمير : طب فرحه اه مجنونه بس هدير مش نمروده دى غلبانه انتى اللى مفتريه 
نوال : انا مفتريه انا مش عارفه امشى عليها كلمه
أميره : سيسيها يا نوال خليكى حنينه دى بنتك
نوال : خايفه من كلام الناس
أميره : قطع لسان اللى يقول عليها حاجه
نوال : المهم انتوهتروحو امته ؟
أميره : الساعه 7 المفروض نكون هناك هننزل 6 ونص كدا
نوال : هتخدى فرحه معاكى ؟
أميره : فرحه عندها درسين من 5 ل7 ومن 8 ل 10
نوال : ربنا معاها
ادخلى طيب اجهزى بقى
الساعه بقى 4 ونص
أميره  : هدخل اخد دوش الاول وبعد كدا البس
نوال : طيب انا طالعه بقى
أميره : لما ارجع هطلعلك
**** ( بقلم هند محمد @isis Mohamed ) ****
نوال : مالك يابابا
عزيز : مش كان خطب هدير احسن
نوال : أمير تقصد
لا الغريب احسن
عزيز : ليه بقى ؟
نوال : عشان ميكنش يعرف حاجه ولما يحصل حاجه ميقولهاش انتى ابوكى معترفش بيكى غير بتحليل
عزيز : انا مش عارفه انتى غاويه نكد
محدش فاكر اللى انتى بتقوليه ده وكمان أمير كان صغير وقتها تلاقيه نسى
نوال : بس سامى وأميره مش نسيين
عزيز : ربنا يكتبله الخير ويرزقها براجل يصونها ويحميها
**** ( بقلم هند محمد @isis Mohamed ) ****
(والساعه 6ونص )
هدير : انتو مشيين ؟
أميره : اه انتى لسه جايه
هدير : اه راحه فين يا خالته
أمير  : هروح اخطب زينه
هدير : مبروك
أميره :عقبالك يا هدير
هدير : ان شاءالله
انا هطلع بقى عاوزه منى حاجه يا خالته ؟
اميره : لا ياهدير لما اجى هجلكم
سامى : هنفضل وقفين على السلم كتير يلا
أميره : سلام يا هدير
هدير : سلام يا خالته
**** ( بقلم هند محمد @isis Mohamed ) ****
نوال : مالك ؟
هدير : لا ابدا بس جعانه اوى
نوال : طيب ادخلى غيرى وهغرفلك
هدير : عامله اكل ايه ؟
نوال : فى باميه من امبارح وفراخ ورز
هدير : طيب ماشى
( اتغدة هدير وداخلت اوضتها تنام شويه زى كل يوم وهى نايمه بتفكر )
 هدير  : فيكى ايه يا زينه مش فيه
ليه حبك انتى ومحبنيش انا مع انى احلى وجسمى احلى منك
انا لازم اتغير ولازم اطور من نفسى عشان اكون احسن منها
بس ازاى ؟
هى دكتوره  وانا ممرضه
وايه يعنى ممرضه هو الدكتور يساوى ايه من غير ممرضه
الكتاب بتاع شادى اسمه الخطوات العشره للنجاح طب ما اقراه يمكن الاقى فيه الحل
( قامت تقرا فى الكتاب شويه وصفحه بعد صفحه )
انا عرفت هتفوق عليها ازاى وهبقى كمان احسن منها واهم حاجه الثقه بالنفس زى ما الكتاب ما بيقول
**** ( بقلم هند محمد @isis Mohamed ) ****
ام زينه : نورتونا وشرفتونا
أميره  : الشرف لينا
سامى : انا هدخل فى الموضوع على طول يا دكتور انا بطلب  ايد زينه لأمير ابنى
ابو زينه : بس مش شايف ان المفروض نتعرف الاول اكتر
سامى : ما انا جاي اخطب البنت لأمير عشان نتعرف
ابو زينه : انا شايف  ان بلاش نعمل خطوبه او حاجه رسمى قبل ما نتعرف اكتر
هو أمير ان شاء الله معاه امكنيات يفتح عياده بعد ما يتخرج ؟
أمير : هو انا بصراحه لا بس ان شاء الله واحده واحده هفتح عياده طبعا
ابو زينه : طب عندك شقه عشان تتجوز فيها ؟
أمير : لا بس ان شاء الله واحده واحده هقدر اجيب
سامى : موضوع الشقه انا ممكن اجبلو واحده عادى
ام زينه : ايجار بقى ولا تمليك ؟
سامى : تمليك فى دلوقتى شقق كتير ممكن ندفع مقدم وبعد كدا الباقى على اقساط
**** ( بقلم هند محمد @isis Mohamed ) ****
هدير : اهلا اهلا يا خالته اتفضلى
نوال : مالك يا أميره شكلك ماله ؟
أميره : مافيش ناس دون وزباله ابوها راجل عامل فيها طاووس ونافش ريشو
وامها كل ما اكلمها كلمه ناقص تقوم تضربنى
والاهبل ابنى مركبنى الغلط
نوال : ليه بس هوحصل ايه ؟
تفتكرو حصل ايه ؟
#اختيار_اجباري
#ادعوا_لهند