الحلقه { 7 }

عزيز : عشان ابوها واطى وزباله بس هدير ملهاش داعوه
ونوال دافعت التمن 24 سنه مافيش فى حياتها غير بنتها
أمير : جدو احنا فى مستشفى اهدو شويه
سامى : لا انا برد على جدك اللى تتولد من جواز عرفى وكمان الورقه مش موجوده يبقى ايه مش بنت حرام ؟
عزيز : اتقى الله انته عندك بنت
سامى : انا خارج باره وسايبكم خالص
عزيز : روح مع ابوك انته كمان يلا بدل ما تقول انته كمان بنجرى وراك
أمير : جدو مش كدا بابا غلط متزودش الغلط انته كمان
محمد : خلاص يا أمير روح اخرج لعمى وانا واقف مع جدى
 أمير : هو خارج خلاص سيبو هو ماشى بدماغو هو كمان
عزيز : ماشى بدماغو والله انته تربيه مش كويسه فى حد يقول على ابوه كدا ؟
أمير : ايه يا جدو انتى هتسيب ابويا وتمسك فيه ؟ ما هو اللى مش مسيطر
عزيز :عرفت تربى يا سامى عرفت تربى من اعمالكم سلط عليكم
الدكتور : انتو لسه وقفين ؟
عزيز : انا كنت عاوز اشوف بنتى
الدكتور : كدا ماينفعش يا حج دى مستشفى
أمير : معلش يا دكتور احنا قلقانين عليها
الدكتور : طيب طيب تعالو معايا
**** ( بقلم هند محمد @isis Mohamed ) ****
( داخل الدكتور و معاه عزيز وأمير ومحمد )
الدكتور : انتى ماسكه التقرير ليه ؟
هدير : انا بشوف التقرير المفروض تتحط تحت جهاز الاكسوجين
وكمان تدوها
الدكتور : انتى هتعرفينى شغلى
هدير : انا ممرضه وفهمه ايه المفروض يحصل
لازم يكون فى اكسوجين كفايا عشان الجلطه تدوب وكمان فين حقن الجلطه ماخدتش ولا وحده ليه؟
الدكتور : والله انا الدكتور مش انتى والمستشفى مفهاش  الحقن اللى بتقولى عليها دى
أمير : طب وبدل مافيش حقن ما تجيبو ؟
الدكتور : احنا تأمين صحى مش مستشفى استثمارى مفيش مزانيه
هدير : انا قولتلكم نوديها المستشفى اللى بشتغل فيها
أمير : خلاص يلا ننقلها
الدكتور : طب روحو الحسابات الاول
فتحى : انا نازل الحسابات أمير انته ومحمد شلوها وودوها واناهحصلكم
هدير : لا مش هبهدل امى انا فين الاسعاف ينقلها بتاع المستشفى
ادكتور : المستشفى مفهاش عربيات اسعاف
عزيز : كمان اومال انتو عندكم ايه ؟
الدكتور :عندنا عيانين هههههههههه
هدير : حسبى الله ونعم الوكيل
( هدير اتصالت  بالاسعاف ونقلتها المستشفى التانيه )
**** ( بقلم هند محمد @isis Mohamed ) ****
أمير : ايوه هى دى المستشفى مش التانيه
أميره : دول كانو منيمنها على السرير حتى مش مغطينها انا اللى غطتها
محمد : الفساد والجهل يعملو اكتر من كدا بس كل حاجه ان شاء الله هتتغير
أمير : يا عم فكك بقى احنا فى ايه ولا ايه ؟
وبعدين مال الجهل والفساد بالمستشفيات ؟
محمد : الجهل يخلى دكتور المفروض انه دكتور يتكلم بمنتهى الاستهانه وفى مريضه ممكن تموت
أمير : الاعمار بيد الله
محمد : مش بقولك جهل وانته واحد من ضحايا الجهل
عندك هدير اهو لولا انها بتشتغل هنا مكنش حد عبرها ولاجريو ولا راحو
للاسف فساد فى كل مكان
أمير : قوم من جنبى انا مش ناقصك قوم
محمد : قايم من غير ما تقول بس بكرا تشكرنى لما اجبلك حقك
أمير : ماشى ان شاء الله
**** ( بقلم هند محمد @isis Mohamed ) ****
أيه : طب كنتى رحتى معاهم يا ماما
سميه  : هو انا لحقت مانتى عارفه ابوكى اول ما أمير كلم محمد انا قولت لابوكى انا هاجى معاكم
داخالت اطفى على الاكل خراجت لقتهم لبسو وعلى السلم
أيه : طب استنى دى فرحه  بتتكلم
الو ايوه يا فرحه
فرحه : ازيك
أيه : الحمد لله انتى روحتى
فرحه : اه بس مش لقيه حد فى البيت  وعماله اكلم ماما وأمير محدش معبرنى ، هما راحو فين ؟
أيه : دى عمتى نوال تعبت ونقلوها المستشفى
فرحه : ليه جرالها ايه  ؟
أيه : مش عارفه يا فرحه انا لسه راجعه من باره وماما هى اللى بتقولى
فرحه : طيب مفيش اى اخبار يعنى ؟
 أيه : لا انا مش عارفه هكلم بابا اومحمد واشوف
سميه : أسئليها اتغادة ولا لسه ؟
أيه  : ماما بتقولك كالتى ولالسه ؟
فرحه : لا لسه وجعانه اوى ومش عارفه اكل ايه وكمان عندى دارس بعد ساعه
أيه : خلاص تعالى كولى عندنا ورحى الدرس بعد كدا
فرحه : ماشى هغير واجلكم ربع ساعه بالكتير سلام
سميه : ايه جايه ؟
أيه : اه يا ماما
سميه : ربنا معاكى يا نوال ويشفيكى يا رب
أيه : انا صعبان عليا اوى هدير
سميه : اه وانا كمان البت ياعينى مظلومه كدا
أيه : ماما هو فعلا تحليل الdna زمان اثبت  ان هدير بنت الراجل ده ؟
سميه : اه دا كان وقتها التحليل دا محدش يسمع عنه المحامى الله يعمر بيتو هو اللى قال   عليه لجدك وعمتك
أيه : هو ايه اللى حصل يا ماما انا مش فكره كنت صغيره وقتها
سميه :  هحكيلك بس شكل فرحه جات روحى افتحلها
**** ( بقلم هند محمد @isis Mohamed ) ****
أميره : طمنينى يا هدير ها اخبارها ايه ؟

عزيز : بطلى عياط وقولى امك مالها
هدير : الجلطه أثارت على الحركه والاغبيه المفروض كانو حطوها على جهاز الاكسوجين ومحطوهاش
أمير : الجلطه بس تدوب وشويت علاج طبيعى هتبقى كويسه
فتحى : ربنا يشفيها
عزيز : حد يروح يجيب اكل لهدير ماكالتش لحد دلوقتى
هدير : لا يا جدو ماليش نفس
أميره : لا لازم تاكلى عشان تقدرى تقفى كدا أمير روح هات اكل
فتحى : لا خليك انته روح يا محمد وخود دول
هدير : معلش يا خالو انا مش عاوزه حد يجبلى حاجه انا لو عوزت حاجه هجبها
فتحى : مش هزعل منك بس هكلمك بعدين
محمد يلا روح هات اكل
هدير  : محدش يجيب حاجه انا مش هاكل
سامى : ماتبطلى دماغك النشفه دى
عزيز : انا هروح اجبلك اكل
هدير  : يا جدو مالش نفس
عزيز : هاكل انا وانتى انا كمان جعان
( وخرج عزيز يجيب اكل وخرج وراه محمد )
فتحى : ( قام قاعد جنب هدير ) متخفيش بكرا هتبقى كويسه
هدير : يا رب يا خالو
أميره : طب ينفع ندخل نشوفها ؟
هدير : اه تعالى انا هدخلك
**** ( بقلم هند محمد @isis Mohamed ) ****
( داخلت أميره وهدير العنايه عند نوال )
هدير  : خالتو دى صحيت مفتحه عنيها ماما سمعانى
نوال : ( حراكت راسها )  اه
أميره : خلاص متتكلميش المهم تبقى كويسه
هدير : انا جنبك اهو يا ماما متخفيش هتبقى كويسه انشاء الله ، ارتاحى انتى بس
نوال : ( بصوت مش واضح ) اناجبتلك الكتب اللى كنتى عوزاها
هدير : انا مش عاوزه كتب انا عوزاكى انتى
 علا  ( ممرضه ) : هدير كدا غلط انتى كدا بتتعبيها
أميره : تعالى نطلع باره ونسبها ترتاح
نوال  : انا كويسه متعيطيش بقى
هدير : حاضر مش هعيط بس خفى وارجعى البيت معايا
نوال : ان شاء الله
علا  : هدير انا كدا هاخد جزا يلا بقى اخرجو
هدير : انا هاخد النابطشه اليومين دول بدالك تعالى نروح نقول للرايسه
علا :  انتى شغاله من 8 الصبح هتسهرى ازاى طب روحى ارتاحى وبكرا ابقى خودى النابطشياط
أميره : سيبى امك ترتاح بقى ويلا نخرج احنا
هدير : مش هينه عليا اسيبها
علا : انا معاها اهو هى مش زى امى روحى انتى بقى والله ممنوع وجودك هنا
مين اللى داخل ده كمان؟
هدير : دا جدو ، ايه داخلك يا جدو
علا : داخل ازى اصلا
عزيز : انا قولت اجبلك الاكل واطمن على نوال
علا : لا يا جدى كدا مينفعش خد الاكل واخرج لو سماحت
عزيز : حاضر اطمن بس على نوال
انتى كويسه يا نوال ؟
نوال  : خلى بالك من هدير يا بابا
عزيز : دى فى عينى قومى انتى بس بالسلامه
علا   : هدير كدا ماينفعش مين ده كمان؟
هدير : دا خالو فتحى
فتحى : ايه اخبارك ايه ؟
نوال  : خلى بالك من هدير
فتحى : حاضر بس خلى بالك انتى من نفسك
علا   : هدير ابوس رجلك هتجازا
هدير :  خلاص هنخرج بس خلى بالك منها
علا  : فى عينى
**** ( بقلم هند محمد @isis Mohamed ) ****
( خارجو كلهم وربنا هدى هدير انها تروح وتروح تانى يوم المستشفى وهما طالعين على السلم )
أميره  : تعالى باتى عندى يا هدير
هدير : لا هبات فى بيتنا
أمير : ما بيتنا هو بيتك
هدير : لاشكرا يلا يا جدو
فتحى : طب تعالى عندى انا باتى مع أيه
هدير : لا ماما مش بترضى تنيمنى عند حد
انا هطلع انام عشان بكرا بدرى اروحلها
أمير : طب  متروحيش لوحدك انا هروح معاكى
هدير : تصبحو على خير
عزيز : روح انته يا فتحى انته ومحمد انا معاها
فتحى : طيب لو فى حاجه اتصلو بيه
عزيز : ماشى ان شاء الله تصبحو على خير 

**** ( بقلم هند محمد @isis Mohamed ) ****
سميه : ها طمنى ؟ 
فتحى : نوال تعبانه اوى الجلطه أثارت على الحركه
محمد : لا يا بابا الاهمال هو اللى عملها كدا مش الجلطه
فتحى : ناصيب يا محمد
محمد : هو احنا ليه بنسكت على الغلط
يا ماما دى لولا ان هدير فهمه المفروض يحصل ايه كانت عمتى ماتت
سميه : استر يا رب
أيه : طب وحصل ايه ؟
محمد : هدير نقلتها المستشفى اللى شغاله فيها وطبعا عشان هدير شغاله هناك اهتمو بيها
وسايط بقى
أيه : الواحد فى البلد دى لو مايعرفش حد ولا يكون عندو وسطه مايعرفش ياخد حقه
محمد : انا اللى حارق دمى ان مستشفى التأمين مفيهاش امكنيات والداكتره هناك بتتعامل مع المرضى واهل المريض بشكل مفهوش اى ادب ولا احترام
فتحى :  بس شوف المستشفى بتاعت هدير كلها انضباط ازاى والناس محترمه
محمد : محترمه اه تفتكر لو ناس عاديه وهدير مش بتشتغل هناك كان حد عبرنا
فتحى : بس يا محمد انته كلامك بيفورلى دمى متتكلمش معايا
سميه : انا هقوم اعملكم اكل يلا يا أيه سعدينى
**** ( بقلم هند محمد @isis Mohamed ) ****
عزيز : اكلتى ؟
هدير : اه كالت ، جدو قولى ايه حصل زمان
عزيز : اقولك ايه بس محصالش حاجه
هدير : لا يا جدو حصل ماما اتجوزت بابا ازاى وليه اتجوزتو عرفى انا من حقى اعرف
وكمان هو مات ولالسه عايش وهو مين ؟ قولى يا جدو ارجوك
عزيز : بصى انا اللى اقدر اقولهولك
ان ابوكى كان زميل امك فى الكليه عاد اولى سناتين وراح محول معهد التمثيل ده وجه اتقدم عشان يتجوز نوال
انا لما لقيتو من غير مستقبل ومش حلته حاجه رفضة الجواز
امك بقى راحت واتجوزتو عرفى من ورايا ولما حملت هو قال انا مقربتش منك
رفعنا قضيه وكسبناها واتكبتى بأسمه
هدير : وعمرو مافكر يسأل عنى  طول السنين دى؟
عزيز : ولا شفنا خلقته ولا نعرف عنه حاجه
هدير : بس انا كدا مش بنت حرام صح  ؟
عزيز : لا امك كانت متجوزه صحيح فى السر وده غلط وحرام بس القانون دلوقتى بيعترف بيه
هدير : طب ازاى يكون متجوز وينكر انى بنته ليه يعمل كدا
عزيز : بصى انا مش هقدر اقولك اكتر من كدا
ابقى  اسألى امك لو مصممه تعرفى
هدير :  بس ترجع بالسلامه الاول
عزيز : ادخلى نامى بقى عشان تقدرى تروحلها وتشوفى شغلك الصبح
**** ( بقلم هند محمد @isis Mohamed ) ****
( داخلت هدير اوضتها بعد ما شالت العشا وغسلت الاطباق لقت الكتب اللى كانت طلباها من امها )
هدير : يا حببتى يا ماما عمرى ما طلبت منك حاجه فيها كتب او فيها مصلحتى غير وتانى يوم جيبهالى
يا رب اشفيها يا رب يا رب
**** ( بقلم هند محمد @isis Mohamed ) ****
أمير : اخيرا راديتى
زينه : انا وديت بس عشان الوساله حسيت انها من قلبك
أمير : انتى اخبارك ايه دلوقتى
زينه : كويسه
أمير : طيب الحمد لله تصبحى على خير
زينه : على طول كدا ؟
أمير : زينه انهاردا كان يوم طويل  وانا تعبان
زينه : اوك وانته من اهل الخيو
**** ( بقلم هند محمد @isis Mohamed ) ****
( وتانى يوم الصبح )
هدير : صاحى ياجدو ؟
عزيز : اه صاحى تعالى
هدير : طب انا هنزل انا حضرتلك الفطار هتاخد الانسولين دلوقتى  ؟
عزيز : اه تعالى ادهونى قبل ما تمشى
صحيح المفروض نبلغ المدرسه اللى امك بتشتغل فيها انها عيانه
هدير : انا مش هقدر اروح
عزيز : اليومين دول اصلا وقت امتحنات مش عارف بقى هيعملو ايه
هدير : بص موبيل ماما اهو خدو رقم المديره كلمها انته
عزيز : ماشى انا هقوم افطر واكلمها وشويه كدا وهجيلك المستشفى
هدير : ماشى بس متجبش عمو سامى معاك
عزيز : هو اتلاقيه فى الشغل
هدير : طيب يا جدو اركب تاكسى  بلاش المترو
عزيز : حاضر ولاون المترو اسرع
هدير : عشان ماتمشيش كتير
انا نزله بقى السلام عليكم
عزيز  : عليكم السلام
**** ( بقلم هند محمد @isis Mohamed ) ****
( هدير نازله وسامى واقف على الباب يلبس الجزمه وأميره واقفه جنبو )
أميره  : انتى راحه المستشفى دلوقتى ؟
هدير : ( وهى باصه فى الارض ) اه يا خالتو السلام عليكم
سامى:  طب استنى اوصلك معايا او أمير يجى معاكى
هدير : ( سابتو ونزلت مردتش عليها )
سامى : شايفه قلت الادب ؟
أميره  : لا مش شايفه
سامى : ماشى يا اميره انا ساكت اهو عشان امها فى المستشفى لاكن لما ترجع ليه كلام تانى 
أميره : بلا تانى بلا تالت بقولك انا هروح كمان شويه مع بابا
تعالى بدرى بقى عشان فرحه غديها انته عشان هقضى اليوم مع نوال هناك
سامى :  طيب معاكى فلوس ؟
أميره : اه معايا
سامى :  ماشى السلام عليكم
**** ( بقلم هند محمد @isis Mohamed ) ****
( راحت هدير المستشفى وماضت حضور زى كل يوم وراحت على العنايه )
هدير : ايه دا هى ماما فين ؟
رشا ماما كانت هنا امبارح
رشا : الحمد لله الدكتور نقلها اوضه عاديه
هدير : الحمد لله طب اوضه كام؟
**** ( بقلم هند محمد @isis Mohamed ) ****
( راحت هدير الاوضه عند مامتها )
هدير : ماما انتى صاحيه ؟
نوال : اه يا هدير وحشتينى
هدير : وانتى كمان دكتور طمنى اخبارها ايه
الدكتور : الجلطه الحمد لله بس هى أثارت على الحركه لازم تعمل علاج طبيعى
هدير : ماشى بس الضغط اخبارو ايه ؟
الدكتور : لا تمام احنا كنا فين ان شاء الله هتبقى احسن
نوال : متشكرا اوى يادكتور
هدير : دكتور عماد من اشطر الداكتره هنا يا ماما
الدكتور : متبلغيش يا هدير
هدير : لا يا دكتور دا حقك
الدكتور : متشكر انا هروح وشويه كدا واجيلك تانى
( خارج الدكتور )
هدير : الحمد لله يا  ماما التقرير يطمن الحمد لله
نوال : ماشى يا دكتوره هدير
هدير : بتتريقى ماشى يا ستى اتريقى زى ما تحبى المهم تكونى كويسه
نوال : انا عاوزه اقولك حاجه
هدير : نعم يا ماما
نوال : انا هحكيلك على ابوكى انتى مش بنت حرام زى ما قال سامى
هدير : مش وقتو يا ماما لما تقومى بالسلامه الاول
نوال : لا عشان لو حصلى حاجه تعرفى  حصل ايه
هدير : طب هروح اقفل الباب واجيلك
( هدير قفلت الباب وراحت قعدت على اخر السرير جنب نوال )
نوال : انا اتعرفت على سمير ابوكى فى اولى جامعه
"
"
"

 تابعونى فى الحلقه 8  عشان تعرفه قصة حب نوال وسمير ابو هدير
#اختيار_اجباري
#ادعوا_لهند