الحلقه { 3 }

عزه : اسمعى كلامى الايام عماله تعدى وأمير هيضيع منك
هدير : انا مش هقدر اروح واقوله افرضى راح قال لماما دى تموتنى ولا لجدى منظرى قدمهم يبقى ايه ؟
عزه : خلاص  سيبيه يضيع من ايدك
هدير : لو هو نصيبى هتجوزو
عزه : انا هروح اشوف شغلى خليكى كدا طول عمرك اللى حوليكى هما اللى بيمشولك حياتك وكل حاجه نفسك فيها بتضيعيها منك بسبب انك جبانه
هدير : غلط على فكره انا لما بعوز حاجه بعملها واقربها ماما قالتلى مكلمكيش ورغم كدا اهو لسه بكلمك
 عزه : بصى يا هدير من انهاردا انا من طريق وانتى من طريق يا جبانه ( وسابتها وراحت تشوف شغلها )
هدير : انا مش جبانه اه مش جبانه
**** ( بقلم هند محمد @isis Mohamed ) ****
سامى : الله التورتايه السنادى حلوه اوى
أميره : سبحان الله كل سنه اجى اعمل تورته بتاعت هدير تبقى احلى واحده
سامى : سبحان الله برضو ولا انتى بتبقى قصده
أميره : لاوالله هى بتطلع معايا كدا قولى بس شكلها حلو ؟
سامى : اه جميله انتى جبتلها حاجه غير التورتايه دى ؟
أميره : لاما انته عارف مش عاوزه خناق مع نوال زى كل سنه بس أمير وفرحه جابولها هديه
سامى : طيب انا هريح شويه عقبال ما تعملى الغدا
أميره : مش هتستنى العيال
سامى :  لا نتغادا احنا وهما لما يجو براحتهم
أميره : ماشى هغرف اهو
**** ( بقلم هند محمد @isis Mohamed ) ****
عزيز : أتأخرت كدا ليه يا نوال قلقت عليكى
نوال :  نزلت اشترى حاجات لهدير شوف البلوفر ده
عزيز : اه حلو وخامته حلوه يدفى
نوال : وعليه البنطالون ده كمان والجزمه
عزيز : اه حلوين تعيشى وتجبيلها
نوال : وتعشلنا يا بابا بس يا رب يعجبوها دى مبيعجبهاش العجب
عزيز : بتدلع عليكى معلش لسه صغيره
نوال :23 سنه صغيره
عزيز : اه راحت فين ولا جات منين عشان تكبر
من وهى فى المدرسه راحه جايه معاكى لحد ثانوى بعد كدا داخلت المعهد ودول بقى جيش اوامر مفيش لا دلع ولا تاسيب
نوال : انا خايفه عليها مش عوزاها يحصلها اللى حصلى
عزيز : انتى اللى جبتيه لنفسك انا قولتلك دا مش بتاع جواز  روحتى من ورايا واتجوزتيه عرفى ولما حملتى قال مش منى وفضحنا فى المحاكم
نوال : والله ندمانا سامحنى يا بابا
عزيز : مسامحك وانا لو مكنتش مسمحك  كنت فضلت مخليكى عايشه معايا
نوال  : دى هدير شكلها جات سامع بتطلع على السلم دى ولا بتفحر ( فتحت الباب ) انتى يا حيوانه ياللى طالعه
فرحه : ايه يا خالتو ليه كدا هو انا جيت جنبك
نوال : انتى اللى طالعه تدبى كدا انا فكراكى هدير
فرحه : انا اه وابقى بصى الاول قبل ما تشتمى
نوال : ماشى يا فرحه ماشى  لما تطلعلى
فرحه : ماشى وفارس لفارس بقى
نوال : لا انتى مش ممكن
أميره :  ( فتحت الباب ) فى ايه صوتك عالى ليه ؟
فرحه : عادى عادى كبرى دماغك ( وداخلت وسابت امها على الباب )
أميره : فى حاجه يا نوال ؟
نوال : لا يا أميره ربنا يكون فى عونك
أميره : دى هدير جات اهو
حمدالله على السلامه
هدير : الله يسلمك عمله ايه ؟
أميره : الحمدلله
نوال : اطلعى براحه
هدير : براحه اهو بطرف الجزمه كمان
نوال : ايوه كدا بنتى شطره ادخلى يلا
بعد ازنك يا يا أميره
أميره : ماشى يا نوال وانا شويه وجايالك نعلق الزينه
هدير : خلى فرحه تيجى
أميره : هغديها بس واجبها واجى
**** ( بقلم هند محمد @isis Mohamed ) ****
( داخلت هدير ونوال الشقه )
هدير : السلام عليكم يا جدو
عزيز : عليكم السلام جايه بدرى يعنى الساعه4
هدير : الرايسه لما عرفت انهاردا عيد ميلادى مشتنى قالتلى روحى بدرى وكمان من اول الاسبوع الجاى السبت يعنى هروح المستشفى 7 الصبح واروح 3 ونص بس هاخد يوم نبطشيه بليل من 6 بليل ل 6الصبح
وهاخد اجازه  يومين فى الاسبوع
عزيز : كل ده عشان عيد ميلادك ؟
هدير : لا يا جدو يا حبيبى دا القرار الجديد عشان هتسبت فى المستشفى هو انا ممكن اروح 4 ايام فى الاسبوع بس ولاكن هشتغلى من 7 الصبح لحد 7 بليل هيتهد حيلى لاكن النظام التانى اريح اجى بقى اذاكر اواساعد ماما فى البيت
نوال : مبروك يا هدير شفتى بقى عشان انا بدعيلك
هدير : ربنا يخليكى ليه انتى وجدو
نوال : شوفى بقى جبتلك ايه عشان تحضرى العيد الميلاد بحاجه جديده
هدير : ايه دا يا ماما انتى جيبالى بلوفر وبنطالون قماش وايه الكور دى وايه الترتر ده
لالا وحش اوى
نوال : ربنا يسد نفسك مالهم يا بت دا صوف يدافيكى
هدير : شكلهم وحش وكمان لون احمر انا مش بحب اللون ده مجبتيش ليه الوان بناتى كدا ايه الاحمر ده
وكمان بنطالون قماش هو حضرتك لسه فكرانى فى المدرسه 
نوال : مش عجبك القماش اومال انتى عاوزه ايه ؟
هدير :عاوزه جينز
نوال : لاانا مالبسكيش كدا عيب
هدير : لامش عيب ما فرحه بتلبس جينز وكمان  أيه اشمعنى انا
نوال : انا اقول الكلمه مره واحده
هدير :  وانا مش هلبس اللى انتى جيباه ده دا شبه البناطيل اللى خالو فتحى بيلبسها دا بنطالون رجالى
نوال : بت متفتحيش بؤك وادخلى قيسى اللبس ده
وخودى قيسى الجزمه دى
هدير : كمان جزمه فلات انتى شيفانى عندى خشونه فى الركبه دى وحشه اوى   انا عاوزه جزمه بكعب
نوال : ادخلى غيرى وقيسى الحاجات بدل وحيات ربنا مش هعملك عيد ميلاد ولا زفت
هدير : يوووو بقى
عزيز : انتى  مش عجبك خلاص يا نوال روحو غيرلها الحاجه وهتلها اللى هى عوزاه
هدير  : وكمان ماما انا كبرت انا اللى المفروض انزل اشترى هدومى وحاجاتى مش انتى
نوال : انا معرفتش اربى بس هربيكى ادخلى يلا جوا وانا جيالك حاضر انا هوريكى
هدير : تربيه بتربيه بقى مش هقيس وخودى بقى ( ورامت الاكياس على الارض وجريتو قفلت الباب بالمفتاح )
نوال : افتحى يا هدير افتحى يا حيوانه
( جرس الباب رن قام عزيز يفتح )
أمير : فى ايه يا جدو خالتو بتزعق ليه ؟
فرحه : فى ايه يا جدو احنا كنا بناكل طلعنا نجرى
عزيز : مانتو عارفين نوال وهدير كل شويه يمسكو فى بعض
أمير : افتحى يا هديرانا جيت افتحى
هدير : هتضربنى يا أمير
فرحه : متخفيش انا معاكى
نوال : والله امسح بكى البلاط انتى كمان عشان اختى معرفتش تربيكى
فرحه : طب ماشى ان شاء الله ،افتحى بقى يا هدير
أمير : فى ايه يا خالتى بس
نوال : نزلت جبتلها بلوفر وبنطالون وجزمه مش عاجبها شوفو حلوين ازاى وكمان بترمى الاكياس على الارض
فرحه : ايه الزوق الزباله ده وحشين اوى ليها حق على فكره ايه الكور دى لالا فلاحى اوى على فكره  دا فى ترتر لا وحش
أمير : وكمان البنطالون دا يا خالتى لونه مش حلو وكمان شكلو رجالى اوى
نوال  : دا جميل
فرحه :  دا جميل دا زباله
نوال : دا 200جنيه
فرحه : اتخميتى على فكره
( هدير فتحت الباب وجريت وقفت ورا أمير بتتحامى فيه )
هدير : اهو شوفى مش انا لوحدى اللى مش عجبان
نوال : ماشى يا هدير بس هتلبسى الحاجات دى غصب عنك
هدير : لامش هلبسها
أمير : لامعلش ياخالتى بلاش تلبس دول انهارده بذات
نوال : اشمعنى بقى انهارده بالذات ؟
أمير : اصلى عازم وحده زملتى على عيد ميلاد هدير وبصراحه اللبس ده مش حلو
نوال : دا مش حلو دانا جيبالها الحاجات دى عشان افرحها فى عيد ميلادها
هدير : لو عاوزه تفرحينى انزل انا وانتى ونشترى الحاجات اللى على مزاجى
 نوال : اه عاوزه تجيبى لبس مسخره
فرحه : ما تفكى بقى يا خالتى مسخره ايه ما كلنا بنلبس عادى فكيها
عزيز : خلاص بقى بطلو نكد لو مش عجباكى الحاجه  انزلو غيروها اهو الساعه لسه 5
هدير : هروح انا وفرحه نغيرهم
 فرحه : ماشى انا نزله البس
نوال : مافيش لبس ومش هغير حاجه وهتلبسى الحاجات دى يا هدير
هدير : لا مش هلبسها
أمير:  طب هقولك حاجه انزل انا وفرحه وهدير نشترى اى حاجه تانيه وخلى اللبس ده بردو
هدير : اه ماشى عشان خطرى يا ماما ارجوكى ارجوكى
نوال : يعنى انا كلمتى مش بتتسمع ؟
عزيز :  انزل يا أمير البس وخد هدير و اختك وانزلو يلا قبل ما الدنيا تعتم
أمير : ماشى يلا يا فرحه
( نزل أمير وفرحه وهدير لسه واقفه )
نوال  : مالهم يعنى مالهم فى ناس تانيه مش لقيه
هدير : والله شكلهم وحش وكمان اديكى سمعه أمير عازم زملته عوزاها تيجى تتريق عليا
نوال :  ماشى يا هدير بس متشتريش حاجه ديقه ولا عريانه فهمه والجزمه متكنش عاليه الكعب كبيرك 3 سم فهمه
هدير : فهمه
**** ( بقلم هند محمد @isis Mohamed ) ****
سامى : مافيش مرواح اقعدى ذاكرى
فرحه : هروح مع هدير يا بابا
سامى : أمير هيروح معاها انتى لا
أميره : نوال مش هترضى تنزل هدير مع أمير لوحدها
سامى : خلاص يبقى بلاها مرواح وتلبس الحاجات اللى امها جيباها
أمير : لا يا بابا دول وحشين اوى زينه تقول ايه لا منظرى هيبقى وحش
أميره : من دلوقتى بتتكسف من ست الحسن والجمال
سامى:  انا اللى عندى قولته مش هتروحى وادخلى ذاكرى كفايا انك هتقعدى بليل انتى فى ثانوى
**** ( بقلم هند محمد @isis Mohamed ) ****
( نزل أمير وهدير يشترو اللبس الجديد من غير فرحه ونوال متعرفش انهم لوحدهم وبعدما اشترو الحاجات وهما ماشيين فى الشارع جنب بعض ومروحين )
هدير : شكرا يا أمير
أمير :  على ايه انتى زى اختى
هدير : انك جيت معايا وخلتنى اشترى اللى على مزاجى
أمير : بس يا رب  نفتكرها ههههههه
هدير : وانا من امته بنسى اى حاجه تخصك
أمير : ربنا يخلينا لبعض
ها بقى عاوزه حاجه تانى قبل ما نروح؟
هدير : لا انا اشتاريت كل حاجه حتى الطرحه والبندانا
أمير : انتوالبنات اللبس بتعكم كتير احنا الولاد دماغ بنطالون تيشير وبسسسسسسسسس
هدير : كنت عاوزه اخد رئيك فى حاجه واحنا مروحين كدا
أمير : ايه ؟
هدير : ليه واحده صحبتى بتحب واحد بتحبه اوى وحلم عمرها انها تكون جنبه ومعه بس للاسف مش قادره تقوله وهو مايعرفش انها بتحبه
أمير : وهو طيب مش باين انه بيحبها ؟
هدير : هو للاسف هيروح يخطب قريب
بس كتير من اصحبنا نصحوها انها تروح وتقوله انها بتحبه
أمير : اه صح اللى بيحب لازم يتمسك بحبه
هدير : يعنى مش عيب انها تقوله انها بتحبه
أمير : عيب ايه يا بنتى احنا فى 2011 مفيش حاجه اسمها عيب سيبك من الكلام بتاع خالتو نوال ده
هدير : طب لو هى قالتلو بحبك كدا مش بتقلل من نفسها فى نظرو ؟
أمير : واشمعنى الراجل هو  اللى يبدأ ويقول بحبك البنت كمان من حقه تعترف بحبها عادى
هدير :  بس هى خايفه لو رفضها يروح يقول لاهلها بنتكم بتقولى بحبك
أمير : لامستحيل دا يبقى عيل اوى
لازم يقدر انها حبته ومن كتر حبها ليه قالتله واعترفت بحبها
هدير : والبنت اللى عاوز يخطبها؟
أمير : وقتها بقى الكوره هتبقى فى ملعبه واكيد اكيد هيختار البنت اللى هى بتحبه اكتر
هدير : ( وقفت قدامه ) طب أمير انا بحبك بحبك اوى
أمير : بتحبينى ؟ اخوات ولا اااااا؟
هدير : لا بحبك بحبك وكنت خايفه اقولك بس لما لقيت رئيك ان صحبتى تعترف لحببها وكدا فا اتشجعت وقولتلك انا بحلم اكون مراتك
أمير : بس انا بحبك زى فرحه زى اختى
هدير : عارفه بس انا بجد بحبك
أمير : بصى انا انا
هدير : مش عاوزنى ؟
أمير : انا بحب واحده تانيه وهتشوفيها انهاردا بجد انتى لو بتحبينى تتمنيلى الخير
وانا اوعدك والله اللى قولتيه ده مش هقول منه حرف واحد لحد
انتى  بكرا تقبلى حد احسن منى يحبك بس انا منفعش
هدير : طب فكر شوف مين بتحبك اكتر انته مش لسه قايل كدا
أمير : انا وزينه بنحب بعض ومتفقين على كل حاجه
وكمان احنا الاتنين داكتره زى بعض
هدير : وانا بقى الممرضه  وطبعا الدكتور مينفعش يتجوز ممرضه
أمير : مش الموضوع بس
هدير  : بس ايه خلاص مش مهم بس انا جايبه فى ثانوى 90% وداخلت المعهد يعنى تعليمى فوق المتوسط وقريب  اوى هاخد الماجيستير 
أمير : عارف كل ده بس انا مش بحبك  مش شايفك مراتى
هدير : يعنى مفيش امل تحبنى  ؟
أمير : انا بحبك اوى اوى بس زى اختى
هدير : هتقول لحد وتفضحنى ؟
أمير : اكيد لا مينفعش  افضح اختى
فكيها بقى دا انهاردا عيد ميلاد القمر
**** ( بقلم هند محمد @isis Mohamed ) ****
( روحت هدير وأمير البيت واول ما باب الشقه اتفتح )
هدير :  هااااااااا الله ايه ده
محمد : ايه رئيك نافخ لحد دلوقتى30 بلونه عشان خطرك
أيه : كل سنه  وانتى طيبه يا قمر
هدير : وانتم طيبين الله حلوه اوى الزينه والبلالين
نوال : فرجينى جبتى ايه ؟
هدير : هدخل البس الساعه7 وافرجك
عزيز : طب ورينا طيب
هدير  : مفجئه تعالى يا أيه معايا
أيه : جايالك  طبعا
نوال : هى فرحه وأمير فين ؟
هدير : تحت داخلو على طول قالولى اطلع البس انا
نوال :طب مش هتكلى
هدير : مش دلوقتى
**** ( بقلم هند محمد @isis Mohamed ) ****
فرحه : انته جيت هدير فوق؟
أمير : اه فوق  متنسيش تقولى انك كنتى معانا عشان خالتو وجدو
أميره : اوعى تغلطى
فرحه : متخفوش انا بعرف احور حلو
بابا حبيبى اطلع بقى لهدير
سامى: طب ذاكرى شويه
فرحه : بابا والنبى
سامى : ابقى قبلينى لو نفعتى اخرك 60%
فرحه : متخفش انا مذاكره كويس
سامى  : لما اشوف
فرحه : اطلع بقى ؟
سامى  : اطلعى يا زنانه
أميره : تعالى شيلى معايا التورته ونطلعها سوى
فرحه : ماشى جيالك ياكبيره ( وداخلت المطبخ عند أميره )
سامى : زينه هتيجى امته ؟
أمير : على 8 كدا
سامى  : كان المفروض  متجيش احنا اللى نروحلها الاول
أمير : انا قولت نتعرف وكمان تشفوها وتشفكم
سامى : ماشى لما نشوف
**** ( بقلم هند محمد @isis Mohamed ) ****
نوال : ايه اللى انتى جايباه ده
هدير : مالو بوت حلو اهو
نوال : بوت والبنطلون ده قصير
أيه : لا ياعمتى دا بيتنى كده وبيتلبس البوت عشان البوت يبان
بس الجاكت حلواوى جبتيه بكام ؟
هدير : 350
  أيه : حلو
نوال : والجاكت اللى كلو فرو ده هو اللى عجبك ؟
هدير : اه وبعدين ده طقم على بعضو
وكمان الطرحه شوفى جميله
نوال : والله الحاجات التانيه اللى انا جبتها احلى
أيه : بصراحه لا يا عمتى طقم هدير اشيك بكتير
نوال : ماشى ادينى سكته انا هخرج سامعه خالتك باره
هدير : ماما اخر حاجه ممكن احط  ميكاب
نوال : لاطبعا اوعى سمعه اوعى ( وسبتم وخارج )
أيه : مالك زعلانه كدا ليه
هدير : لا ابدا بس كان نفسى فى حاجه بس ماليش نصيب  فيها
أيه : حاجة ايه ؟ الميكاب ؟
هدير : مش مهم يلا هقوم البس
(داخلت فرحه  )
فرحه : خيانه هتلبسى من غيرى 
هدير : مانا مستنياكى اهو

**** ( بقلم هند محمد @isis Mohamed ) ****
عزه : يا ترى يا هدير هتعملى ايه ؟
أنيس: تعمل ايه فى ايه ؟
عزه : هدير بتحب ابن خالتها وانا قولتلها لازم تقوله وتعترفله بحبها
أنيس : انتى هتفضلى طول عمرك متخلفه  كدا
عزه : ايه متخلفه دى ما تحترم نفسك
أنيس : ازاى تقوليلها كدا دا ممكن يفضحها عند امها وانتى عارفه ان امها عقد
عزه : الله مانا جيت وقولتلك بحبك مفضحتنيش ليه ؟
أنيس : عشان انا كنت معجب بيكى وكنت خايف انك ترفضينى
عزه : يعنى انا غلط لما قولتلها كدا ؟
أنيس  : لسه بتسألى ؟
عزه : طب استنى اكلمها
دى قفله الموبيل
أنيس : كلميها على البيت وقوليلها متقولش حاجه
عزه : الو ازيك يا طنط
نوال : الحمد لله مين ؟
عزه : انا عزه كنت عاوزه هدير
نوال : لا هدير مش فضيه
عزه : انا كنت عوزها فى حاجه مهمه
نوال : قولتلك مش فضيه
عزه : اوك يا طنط السلام عليكم
أنيس : البت دى لو اتفضحت ذنبها فى رقبتك 
**** ( بقلم هند محمد @isis Mohamed ) ****
( الكل جه العيد الميلاد وهدير لبسة الجاكت الجلد الروز ابو فرو ابيض على الاطراف والبنطالون الاسود الجينز والبوت ابو رقبه وكعب العالى  وكلهم مستنين زينه عشان يطفو الشمع )
شادى : كل سنه وانتى طيبه يا هدير هديه بسيطه
هدير : كلفت نفسك ليه طيب
شادى : انتى اختى الصغيره
أيه  : دى بقى هديتى انا ومحمد فلاشه عشان الكتب والحاجات اللى بتطبعيها من النت
هدير : شكرا يا أيه ربنا يخليكى ليه انتى ومحمد
محمد : اى خدمه بس يا رب ناخد الماجيستير بتقدير
هدير : امتياز ان شاء الله
أمير : انا وفرحه بقى جبنالك الشنطه دى
نوال  : الله ما هى معاها واحده
فرحه : لا دى احلى واوسع بصى تحطى فيها حاجات كتير  واشيك
(تليفون أمير رن )
أمير : انا نازل وجاى
سامى : طيب ماشى
عزيز : متتأخرش يا دكتور هات العروسه وتعالى
أمير : حاضر
فتحى :عاروسة ايه ؟
عزيز  : جايب البت اللى عاوز يخطبها
سامى  : انتى مش بيتبل فى بؤك فولى ؟
أمير : عادى بقى مش جدو لازم يعرف
فتحى :  العيال كبرت وخلاص كلها كام سنه ونبقى انا وانته جدو يا سامى
سامى : امته بس يا رب
شادى : قريب ان شاء الله الشقه تخلص بس
سميه : طب اتجدعن بقى
شادى : انا حاجزة السراميك وجاى بكرا وهيتركب والسباك والدهان بصى على اخر الشهر الشقه هتبقى جهزه والعفش الحمد لله موجود
أيه : يا ريت نعمل فرحنا فى 14 فبراير
فرحه : اه فى عيد الحب 
هدير : فرحه لبسى كدا مظبوط ؟
فرحه : موزه طلقه
هدير : ههههه طب الحمدلله
أميره  : اهو أمير جه
( داخل أمير ومعاه زينه وكانت المفجئه اللى محدش متوقعها )

تفتكرو ايه هى المفجئه ؟
#اختيار_اجباري