الفصـــــــــــ( 2 )ــــــــــل الثانى :-

° ° ° ° ° °

_ خرجت من المرحاض وجدته يجلس علي الاريكه بتعب واضح ،نظرت له بتمعن وقالت بتساؤل قلق :-

_ مروان ..
انت تعبان ..!

افاق من غفوته وقال بنفى :-
لا ده ارهاق عادى يا حبيبتى ..

_ تقدمت منه وجلست جواره قائله بابتسامه :-
اول مره ترجع مُرهق بالشكل ده

ابتسامه صغيره رسمت على وجهه وقال :-
كالعاده المُنظمه اللي مش عارفين نكشفها دي ..

كامليا بحب :-
انت قوي وهتقدر ..
دلوقتى يلا عشان تتعشي

اومأ لها بهدوء وقال بابتسامه :-
اوك روحى انتى وانا هاجيب ايلاف واجى ..

_ خرجت من الغرفه .. بينما هو توجه الى مكان نوم ابنته وقبلها بحنو ابوي

~ ~ ~ ~ ~ ~

_ امام محكمه القضاء تقف جوار صديقتها وتغلق حقيبتها بينما جائت امرأه خلفها قائله بدعاء :-

_ ربنا يحميكى يا بنتى لشبابگ ..

ابتسمت لها بفرحه بينما جاء رجل خلف الامرأه قائلا :-
ربنا يخرب بيتك زي ما خربتى بيتى ..

_ خرج الرجل وهو يسب بادنى الافاظ حيث قالت چود فى هذا الوقت :-

_ ماله ده ..؟
مجنون ..!

كنوز بضحگ :-
لا مخلوع طازه ..
يلا يا بنتى ربنا يكفينا شرهم ..!

_ اومأت لها صديقتها و ركبت جوارها بالسياره قائله :-
_ اخبار طنط دولت ايه ..!

كنوز بابتسامه :-
كويسه الحمد لله وعازماكى علي الغدا بكرا اوعى تنسي ..

چود بضحك :-
مش هنسي .. بس الاول هعدي على مروان وكامليا ..

كنوز بتساؤل :-
چود مروان ابن عمگ صح ..؟

اومأت لها وتابعت الاخري حديثها :-
ومش واخده بالك ان تعاملك معاه من غير حدود ..

نظرت لها الاخري وبدأت بالضحك حتى هديت قليلا وقالت :-

_ لا يا ستى هو مش ابن عمى وبس .. اخويا فى الرضاعه . !

كنوز بجهل :-
نعم يا اختى . !؟

چود بضحك :-
مالگ مسبله كده ليه ، اخويا ايه الغلط في كده

كنوز :-
مش حكايه غلط بس استغراب انتى عمرك ما قولتى انه اخوكى ..!

چود بغباء :-
ده بجد هو انتي عايشه معانا كيس جوافه ، اختك ومامتك عارفين دي مصر كلها عارفه .!

لم تجد سوي الضحك فقط ، حقا عملها ينسيها اشياء كثيره ، وقالت :-

_ معلش انا فعلا من يوم ما اشتغلت محاميه وانا دماغي مش فيا ..

_ خرجت " چود" ضاحكه عليها بشده ، بينما الاخري شردت قليلا .."

~ ~ ~ ~ ~ ~

_ طرقات خفيفه تبعها دخوله للغرفه قائلا بعد ابتسامه صغيره رسمت علي ثغره :-

_ واحشني يا كبير

ضحك الاخر وقال :-
وانت والله يا مروان
اقعد ..!

_ جلس مروان قائلا بتحفظ :-
خير يا مُصعب انا مش بقلق غير من ابتسامتگ دي ..

مُصعب بابتسامه خفيفه :-
لا متقلقش بس ثوانى رائف جاي ..

_ طرق الباب ودخل شقيقه قائلا باعتذار :-
اسف علي التأخير ..

مروان بعدم اهتمام مرح :-
ده العادي بتاعگ ايه الجديد ..؟

جلس رائف بابتسامه وقال :-
انت مجمعنا يا بوص يبقي اكيد ناوي علي سوااد

مُصعب بغموض :-
واي سواد

اعتدل رائف قليلا وتحولت نبره صوته للجديه قائلا :-

_وضح كلامك يا مُصعب ..

مروان بهدوء :-
ساكت ليه يا بني اتكلم

اخيرا قطع صمته قائلا :-
كلامي واضح انا عايزكم معايا في القضيه دي ..

حگ مروان ذقنه قائلا :-
انا عن نفسي معنديش مانع ، بس انت ليه مُتمسك بالقضيه دي فيها نسبه خطر كبيره عليگ

رائف بهدوء :-
انا معاك وانت عارف ، بس فكر شويه في عمتك او ابوك لو جرالك حاجه لاقدر الله هيحصلهم ايه الناس دي طايله يا مُصعب ..

اجاب الاخر ببرود :-
خلصتوا ، في حاجه اسمها ايمان بالقدر ، محدش بيموت ناقص عُمر ..
ده قرار نهائي هاخد الموافقه من سياده اللوا انهارده باليل ..

رائف بجهل :-
سياده اللوا مين ..

مُصعب بجمود :-
كامل الهلالى

مروان بسخافه :-
ابوگ ، كده كملت ..

نظر له رائف بعدم تصديق وقال له :-
وانت مُتخيل ان بابا هيوافق تبقي بتحلم ..

مُصعب بعدم اهتمام :-
هيوافق وهنبدأ شغل من بكرا اعملوا حسابكم ..

ثم نهض من مقعده قائلا :-
المقابله انتهت

_ وترگ لهم الغرفه وخرج بينما الاخران نظر كل منهما للاخر بصدمه واستكمل مروان قائلا :-

_ المهم ان لو كامليا عرفت اني بشتغل في قضيه اكبر تجار اسلحه في البلد مش هتقعدنى في البــــيت

رائف بتنهيده :-
ربنا يكون في عونگ ، بنتك لسه صغيره يا مروان وشغلنا ده الواحد ممكن يروح في غمضه عين ،

مروان بهدوء :-
زي ما قال اخوك لكل اجل كتاب ، محدش بيموت ناقص عمر ، ربنا هينصرنا ان شاء الله ..

~ ~ ~ ~ ~ ~

_ خرجت من غرفتها لتري امها تجلس بشرود تتابع التلفاز جلست جوارها قائله بتنهيده تعب :-

_ ايه اللى مسهرك لحد دلوقتي يا ماما

ربتت علي كتفها قائله :-
مش جايلي نوم .. اخبار شغلك ايه

كنوز بهدوء :-
كويسه يا حبيبتي بس كان مُتعب اوي

دولت بامتعاض :-
وايه اللي بينوبك من ده كله بس يا كنز

كنوز بهدوء :-
يا ماما يا حبيبتي ده شغلي وبحبه كده

ابتسمت امها وقالت :-
عارفه ليه سميتك كنوز

ردت بالنفي لتستكمل امها قائله :-
عشان يوم ما جيتي كنت بنت سبع شهور وكنت بموت اول مره اعمل عمليه وانا بولد بقا وكمان الدكاتره قالوا احتمال كبير تنزلي لاقدر الله ميته بس ربك يشاء ليكي العمر وتيجي تنوري دنيتنا وكمان ابوكي يجيله 20 الف جنيه مُكافأه في شغله ايام ما كان ليها قيمه بقا عرفتي بقا ليه سميتك كنوز مش كنز واحد

قبلت يديها بحب وقالت :-
ربنا يخليكى ليا ديما

~ ~ ~ ~

وانت مكنتش عايزني اعرف يا سياده الرائد ..

مُصعب بحده :-
لا يا ليلي ، عشان العاطفيه المسيطره عليكي دي ، انا بشتغل ظابط شرطه ، وده شغلي وانتي عارفه اني مبحبش حد يعارضني فيه ..

ليلي بحده اكثر :-
ولما تموت ، ولا يجرالك حاجه ، شغلك ده هينفعني ولا هينفعك ب ايه فهمني بس ، انا من الاول مكنتش موافقه انكم تشتغلوا في مجال ابوكم ، بس طالعين ل ابوكم دماغكم ناشفه ..

كامل بهدوء :-
ليلي اهدي شويه ، مُصعب عنده حق ، خوفك الزياده عليه ده مينفعش ده راجل عنده 30 سنه مش عيل في ابتدائى ، ده شغله وهو عايزه وحابه ، صدقينى يا حبيبتي مش محتاج منك غير دعاكى ليه بس ..

ليلي وقد بدأ عليها الهدوء قليلا وقالت بصوت اشبه بالبكاء :-

_ ربنا يعلم بدعيله قد ايه ، ان ربنا يرجعهولى بالسلامه ، يا بني انا كبرت خلاص نفسي افرح بيكم واشوف عيالكم يا ولادي ...

مُصعب بحب :-
ربنا يخليكي لينا يا حبيبتي ، انا مش زعلان من خوفك ده ، انا زعلان منك ، انتي ست مؤمنه ، وعارفه ان اللي مكتوبلي هشوفه محدش يقدر يغير القدر ..

رائف بهدوء :-
خلاص بقا يا عمتى ، حاولي تقللي من خوفك شويه وادعيلنا ، احنا مش محتاجين غير الدعاء ..

ليلي بتنهيده :-
ماشي يا ولاد كامل ، ديما كده بتغلبونى بالكلام ،
ربنا يحميكوا لشبابكوا ..

امن الجميع علي دعائها ونظر مصعب ل ابيه قائلا بجديه :-

حضرتك مقولتش رايك يا بابا ، هتيديني الاذن ..!

كامل بهدوء :-
………………………………………

يتبع ……………