بسم الله الرحمن الرحيم

انهارده نبدء اول حلقات قصتى الجديده " إختيار إجبارى  "
قصتى بتتكلم عن ازاى احنا كتير بنختار اختيارات وبنكون مجبورين عليها وبيتهيقلنا ان احنا اللى اختارنا ولاكن للاسف احنا مجبورين ان نختار اشياء غير مرغوب فيها عشان الاختيار التانى بيكون مرفوض ومكروه
بنختار اشياء رفضنها عشان خوف من كلام الناس او لاسباب العادات والتقاليد اللى احيانا بتكون موروثات قديمه ليث لها سند دينى او تاريخى  مجرد خروفات لا اكثر او اقل .
الابطال :
 هدير ( 23 سنه ممرضه شطره جدا وشغاله فى احدا المستشفيات العسكريه )
نوال ( ام هدير مدرسه علوم وهى اللى تحملت مسؤلية وتربية هدير من وهى طفله )
عزيز ( ابو نوال وجد هدير وعايشين مع بعض فى شقه واحده وكان بيشتغل موظف حسابات فى نفس المستشفى اللى شغاله فيها هدير بس لما كبر طلع معاش وفضل فى البيت )
أميره ( اخت نوال وست بيت ومخلفه امير و فرحه وعايشين فى الشقه اللى تحت هدير مع جوزها )
فرحه  17 سنه فى ثانوى عام
امير  26 سنه فى اخر سنه فى كليت الطب
سامى ( جوز أميره وبيشتغل مدير مالى فى شركه خاصه )
فتحى ( اخو أميره ونوال الكبير وخال هدير وعندو ايه ومحمد وعايش  مع مراتو سمية )
ايه 29 سنه مخطوبه وبتعمل دكتوراه فى القانون وبتحاول تشتغل فى الجامعه
محمد : 24 فى اخر سنه من كليت الاعلام وبيحلم يبقى صحفى مشهور
عزه ( صديقة هدير الواحيده فى المستشفى )
باقى الشخصيات هنعرفها جوا الحلقات يلا بينا
**** ( بقلم هند محمد @isis Mohamed ) ****
عزيز : نوال الساعه 6 هدير اتأخرة
نوال : زمنها جايه يا بابا  تلاقى بس مفيش موصلات
عزيز : نبهى عليها يا نوال متتأخرش احنا مش عاوزين حد يقول عليها حاجه
نوال : والله يا بابا من غير ما تقول انا مش مخليها تروح هنا او هنا من المستشفى للبيت ومن البيت للمستشفى
عزيز : ربنا يستر
نوال : اها طالعه على السلم هروح افتحلها
( راحت نوال وفتحت الباب ) بت براحه وانتى طالعه ايه ده جمل طالع
هدير : معلش الجزمه بتعمل صوت
نوال : مانا بالبس جزمه مش بيطلع صوت  ليه ؟
هدير : اسفه يا ماما معلش هاخد بالى بعد كدا
نوال : وبعدين بكلمك ليه على الموبيل مش بتردى
هدير : هو كل يوم يا ماما هقول الكلام ده انا موبيلى بتكسف منه بقفل صوته عشان ميرنش والناس  تشوفو وتضحك عليا
وقولتلك عاوزه اغيرو وانتى مش عاوزه طب اعمل ايه
عزيز : كلمى امك بأدب ياهدير عيب كدا
هدير : يا جدو انا بكلمها بأدب اهو هو انا عملت حاجه
وبعدين انا واقفه طول النهار والشغل متعب جدا وفى الاخر جايه تزعقيلى على حاجات هيفها
نوال : وانتى لما تطلعى على السلم تدبى كدا دى حاجه تفها   الناس تقول ايه
هدير : هيقولو واحده مهدود حلها من الشغل ومش قادره تطلع السلم
وبعدين انا مش عارف انتى ليه بتخافى من كلام الناس اوى كدا
نوال : زى مانتى بتخافى من كلام الناس لما يشوفو موبيلك انا بقى مش عاوزه حد يشوفك ويتكلم عليكى نص كلمه ، يلا ادخلى غيرى عشان تاكلى
هدير : حاضر عامله اكل ايه انهارده
نوال : فاصوليا بيضه  ورز وفراخ
هدير : انتى مش عارفه انى مش بحب الفاصوليا
نوال : جدك وانا بنحبها
هدير : انا هدخل اغير اللهم اغزيك يا شيطان
**** ( بقلم هند محمد @isis Mohamed ) ****
فرحه : ماما انا خلاصت اروح معاهم بقى
أميره : ذاكرتى حلو يا فرحه ؟
فرحه : اه والله وبعدين انهاردا اخر يوم فى 2010 خلينا نخرج بقى ونتفسح  عشان خطرى وبعدين ما ايه وامير ومحمد
أميره: قولى لابوكى الاول
فرحه : حاضر هروح اقوله
( خارجة فرحه تقول  لبابها سامى)
فرحه : بابا حبيبى
سامى : نعم
فرحه : عاوزه اخرج احتفل بالكريسماس مع امير وولاد خالو فتحى وكمان هدير هتيجى معانا
سامى : والمذاكره
فرحه : خلاصت والله وبعدين دا هو يوم عشان خطرى يابابا  يا حبيبى وحياتى عندك
سامى : ماشى انا عارف لو قولت لا هتفضلى دماغك تفكر ومش هتذاكرى روحى بس هتروحى فين ؟
فرحه : لسه مش عارفه بس اى مكان مش مهم المهم اخلص من المذاكره ليله
سامى : طيب ماشى امير خلى بالك من اختك
امير : اعملها ايه يعنى اهى هتيجى معانا وكل واحد يخلى بالو من نفسه
اميره : يالمض قول حاضر وبس
سامى : يقول حاضر ليه هواتجنن
امير:  هتتسلو عليا ولا ايه
المهم فرحه اطلعى شوفى هدير جاهزه ولا لا
وانا هروح اشوف ايه ومحمد
فرحه : ماشى انا طلعالها ( وطلعت فرحه لهدير )
أميره: امير كنت عوزاك فى حاجه وانته معهم باره متخليش هدير تدفع حاجه
امير : ماما هدير مش  بتحب حد  يجبلها حاجه ولو عزمنها على حاجه بتروح هى كمان عزمانا فا موضوع مين اللى يدفع ده مش فارق
سامى : المهم تخلى بالك من اختك ومن الواد محمد ده بيقعد بستظرف كدا وبهزر بئيدو
امير : حاضر يا بابا
انا نازل رايح لهم بقى شويه وجاى
**** ( بقلم هند محمد @isis Mohamed ) ****
هدير : بقوك ايه كل سنه بنفضل نتحايل على ماما ومش  بترضى تخرجنى وجدو كمان
 فرحه : نحاول انا عاوزه اخرج معاكى
هدير : انا كمان عاوزه اخرج بس ماما مش هترضى
فرحه : طب تعالى نقول لها
خالتو خالتو خالتو
نوال : ايه الزن ده دبانه
فرحه  : ههههههه بهزر معاكى بقولك انا خارجه انا وامير وايه ومحمد وكمان شادى خطيب ايه وعوزين هدير معانا
نوال : لا يا فرحه اخرجو انتو هى لسه راجعه من الشغل وتعبانه روحو انتو
عزيز : ملكوش داعوه بهدير هى مبتخرجش كفايه عليها اوى الشغل
فرحه : ما يا جدو ما تيجى معانا هتفضل فى البيت تعمل ايه
عزيز : وهتخرجو ليه اصلا انتى ابوكى غلطان يخرجك ليه اصلا وانتى فى ثانوى
فرحه : لا انا مذاكره الحمد لله والناس كلها بتخرج تحتفل بالسنه الجديده خلى هدير بقى تيجى معانا
نوال : لا روحى انتى هى هتفضل معايا فى البيت
هدير : فرحه خلاص روحى انتى وابقو ورونى الصور زى كل سنه
فرحه : يعنى يا خالتو احنا نخرج وننبسط وهى تفضل فى البيت كدا
 نوال : انتى مالك انا عاوزه كدا اخرجى انتى ملكيش داعوه بيها
فرحه  : خلاص انا عملت اللى عليا انا نزله ( نزلت فرحه ورزعت الباب )
هدير : فرحه رزعت الباب ونزله تطرقع على السلم يا جدو مقولتش حاجه  يعنى
عزيز : فرحه ليها اب واخ راجل لاكن انتى لا لازم تفهمى كدا احنا خايفين عليكى مش عاوزين حد
هدير : خلاص خلاص يا جدو عارفه والله هتقول ايه
انا هدخل  انام شويه
نوال : طب انتى مأكلتيش ادخلى كملى  اكلك
هدير : لا كالت هدخل ارتاح
صحينى على الحفله يا ماما لما تيجى على الساعه 10 كدا
عزيز : حفلت ايه ؟
هدير : حفله فى التلفزيون
عزيز  : استغفر الله الواحد زمان كان يستقبل السنه الجديده بذكر الله يقراء قرءان يصلى وانتو جيل تستقبلو السنه الجديده بالغنى والمسخره
عشان كدا كل سنه اسود من اللى قبلها
هدير : على اساس يا جدو زمان كان الايام والسنين زى الفل
نوال : بنت مترديش ويلا ادخلى نامى
هدير : حاضر
( داخلت هدير أوضتها  وقفلت الباب واول ماحطت دمغها على المخده نامت من تعب طول اليوم فى الشغل )
**** ( بقلم هند محمد @isis Mohamed ) ****
ايه : ايه يا فرحه فين هدير ؟
فرحه  :  هدير فركش مش جايه زى كل سنه
محمد : يا خرابى على جدو وعمتى دول عقد
ايه : احترم نفسك متقولش كدا
محمد : لا بجد مزودها اوى
ايه : اهو بقى هنعمل ايه يلا بين عشان شادى زمانو جاى
فرحه : هنروح فين ؟
ايه : انتى يعنى فارق معاكى يلا وخلاص
فرحه : على رئيك يلا بينا
**** ( بقلم هند محمد @isis Mohamed ) ****
أميره: سامى كنت عاوزه اكلمك فى موضوع كدا
سامى : امممممم فى ايه عاوزه تخرجى تحتفلى انتى كمان ؟
أميره: ههه لا انا كنت عاوزه اخطب لأمير
 سامى : تخطبيلو مين حد اعرفه ؟
أميره: اه انا بقول نخطبلو هدير اهى بنت خالته وهو اولى بيها
سامى : انا مش  موافق
أميره: انا عارفه انته رافض ليه بس ملناش داعوه باللى حصل زمان وهدير ملهاش داعوه هى كويسه وشاطره ومتربيه
سامى :  انا مش  معترض بس عشان اللى حصل زمان ابنك كلها السنادى وهيبقى دكتور
عاوزه تجوزيه ممرضه
أميره : وايه يعنى وبعدين دى جابت فى   الثانويه 90 % ومعاها شهادة دبلوم فنـــى عسكرى للتمريـــض وأتعينة  برتبــــة مـلازم فى مستشفى ابنك نفسه لما يبقى دكتور مش هيعرف يشتغل فيها وبتحضر ماجيستير وكلها سنه ولااتنين وتترقى
سامى : برضو فى الاخر اسمها ممرضه
أميره : البنت طيبه وكويسه وانا حسه انها مياله لأمير
سامى : انا مش موافق
امير : طيب خلاص بس والله يا بختو اللى هيتجوزها
سامى : بالهنا والشفى على قلب اللى هيشربها
انتى شكلك نسيتى  هدير جات الدنيا ازاى ولا ابوها اللى
أميره : خلاص خلاص متفتحش الموضوع ده انا مش عاوزه فرحه تعرف وكمان هدير متعرفش
سامى : بس عيال فتحى عارفين
وكمان امير عارف
أميره  : بس هدير متعرفش
سامى  : يبقى خلاص ومتبليش ابنك بهدير فهمه
أميره : فهمه انا هطلع اقعد معاهم شويه ماتيجى بدل القاعده لوحدك
سامى : طيب اطلعى  وانا هحصلك
**** ( بقلم هند محمد @isis Mohamed ) ****
هدير : بتصحينى دلوقتى ليه ؟
عزه : معلش انتى نايمه كنت عاوزه أسألك على حاجه
هدير : ايه عاوزه ايه  ؟
عزه  : الصبغه اللى انتى شفتيها انهاردا دى  اعملها ازاى
هدير : بطلى جنان يا عزه حرام عليكى الراجل عاوزه تصبغى شعرك احمر ليه لا بلاش
عزه : لا هيبقى حلو قولى بقى اعملها ازاى؟
هدير : افتحى العلبه هتلاقى كيس وعلبة كريم حطيهم  على بعض وحطيه على شعرك وكل شويه تابعى بقى واغسليه لما يوصل للدارجه اللى انتى عوزاها
عزه : بس كدا
هدير: اه بس
عزه : طيب ماشى انا بقى عامله مفجئه لأنيس حفله وكمان الواد ادم سربته عند امى
هدير :  ماشى يا عزه سنه حلوه عليكم انشاء الله
عزه : يا رب وانتى هتحتفلى فين ومع مين ؟
هدير : فى البيت زى كل سنه ولاد خالى وخالتى خارجه ماما مارضيتش تخرجنى
عزه : طب هقولك حاجه بس متزعليش
هو انتى مش بتكلمى عماتك واعمامك ليه ؟
اهل ابوكى الله يرحمه يعنى
هدير : اهل ابويا دول عمرهم ما سألو عليا انا معرفهمش اصلا
عزه : معلش انا مش عارفه الناس جرالها ايه اعتبرينى انا عمته يا اوختشى
هدير : بس يا بت روحى شوفى انيس وربنا يعينو على اللى هيشوفو بعد ما تصبغى شعرك ههههههه
عزه : ماشى يا هدير ماشى لما تجيلى بكرا المستشفى سلام
هدير : سلام
( قامت هدير وخارجة باره لقت جدها وسامى جوز خالتها وخالها فتحى ومراته سميه وامها باره )
فتحى : فينك يا نيرس
هدير : ههههههه خالو حبيبى موجوده اهو كنت نايمه
سميه : مروحتيش مع اخواتك ليه ؟
نوال : انا اللى قولت لا وهى لسه جايه من الشغل ترتاح احسن
سامى  : احسن بلا خروج بلا هده نسهر احنا سوى كدا احسن
عزيز : ربنا يجمعنا دائما
فتحى : حبيبت خالو فنجان القهوه بقى بتاعى
هدير  : حاضر  مين تانى عاوز ؟
عزيز : وانا
سامى :  وانا كمان
نوال : احنا بقى اعملى شاى انا و خالتك وسميه ملناش فى القهوه
فتحى: اشربى قهوه عشان تسهرى
سميه : انا بشرب القهوه بنام
أميره :   اه وانا كمان
نوال : انا القهوه بترفعلى الضغط
هدير : خلاص  حاضر يعنى3قهوه و 3 شاى
نوال : وانتى هتشربى ايه ؟
هدير : لا انا هعمل فشار
فتحى : اعملى حسابى يا هدير
هدير : حاضر يا  خالو
سميه  : دلع فيها مابشفش الدلع ده انا
فتحى : فين الدلع ده
سامى : الستات دول حاجه  ، هو الراجل اتكلم
سميه : انا باعكسو يا سامى فى ايه بدل السكوت اللى احنا فيه ده
أميره :  متعرفيش العيال هيروحو فين ؟
سميه  : هيروحو المول وهيدخلو السينما
أميره : امممم طيب هى الساعه كام
نوال : 11
أميره : فاضل ساعه والسنه تخلص
عزيز : اه كانت سنه لا يعلم بيها الا ربنا
سميه :  يا رب 2011 تبقى احلى من 2010
 أميره : امين يارب
هدير : انا جيت
**** ( بقلم هند محمد   ) ****
انيس : ايه يا وزه انتى فين الساعه 11 ونص يلا بقى عاوز السنه الجديده تيجى وانتى جنبى
عزه : جايه ياحبيبى جايه بس اللون مش راضى يلقط
انيس : هو شعرك هيلقط لون ولا هيلقط شبكه اخلصى بقى
عزه : اهو جايه  حط الاكل على السفره وانا جايه
انيس : عملت كل حاجه وكمان شمع يلا يستى تعالى بقى
( راح انيس  يستنى عزه عند التلفزيون وفتحو يتفرج عقبال ما تخلص وشويه وخارجت عزه )
انيس : اخيرا جيتى
عزه  : كنت بعمل سشوار
انيس : كنتى رحتى كوفير
عزه : على ايه هتاخد منى الكوفيره 150 جنيه انا عملتو فى البيت ب 50 بس حق الصبغه
انيس : طب ورينى بقى
عزه : طب غمض عينك
انيس : اهو غمط
عزه : فتح عينك
انيس : يا ليله سودا ايه ده ؟
تفتكرو فى ايه ؟
واخبار اول حلقه ايه طمنونى ؟
#ادمن_بطوط
ادعوا لهند ربنا يرحمها ويغفر لها ويسكنها فسيح جناته