الفصـــــــــــ( 10 )ــــــــــل العاشر :-

~ ~ ~ ~ ~ ~ ~ ~

_ نظرت لها الفتاه بـ تفحص وقالت لها بـ هدوء :-

_ اقدر اساعد حضرتك ازاي

داليدا بـ شموخ :-
عايزه اشتغل فـ المكتب هنا بما انكم نزلتوا اعلان من فتره

الفتاه بـ هدوء :-
تمام يا فندم حضرتك ممكن تنتظري هنا ثواني

اومأت لها و جلست تنظر لـ المكان نظرات غير مُريحه ، ثوانى قليله و جائت لها السكيرتيره الخاصه بـ مكتب المحماه وقالت لها :-

_ اتفضلي يا فندم

_ ابتسمت بـ هدوء و دخلت حيث قالت لها الاخري ، توزع نظراتها علي المكان تتفحصه جيدا حتي رأت تلك الجالسه علي مكتبها تنظر لها بـ ابتسامه هادئه :-

_ اتفضلي

جلست و ابتسمت و اكملت الاخري :-
_ عرفي نفسك ..!

_ قالت بـ هدوء وقالت :-
انا داليدا 23 سنه كنت بشتغل وانا فـ الكليه بس لما اتخرجت حبيت اشتغل هنا

كنوز بـ عمليه :-
يعني عندك خبره كويسه

اومأت داليدا بـ الموافقه قائله :-
اها و دي كل اوراقي المطلوبه

اومأت كنوز لها :-
تمام انتظري مني مُكالمه

~ ~ ~ ~ ~ ~

_ فـ احدي الندوات

_ جوازك كان حب و لا صالونات

_ قالت تلك الجمله لـ الفتاه التي تقف امامها كأنها خاطئه لكنها بـ الحقيقه ضحيه ، ضحيه رجل فاسد لا يعرف معني للحب ولا الرحمه قالت لها :-

_ حب 5 سنين يا دكتوره

كنوز بـ عمليه :-
حب 5 سنين وعندك 22 سنه ده كان بيحبك وانتي عيله ..!

اجابتها قائله :-
انا اللي كنت بحبه مش هو ، هو قالي انه بيحبني وانا عندي 20 سنه

كنوز بـ هدوء :-
كملي

الفتاه :-
بعد الجواز بـ شهر اتغير معايا قالي انه مامته غصبته عليا بـ اعتبار اننا جيران بدأ يهين فيا لما احكيله علي حاجه يستهزأ بيا ديما يقولي اني مش حلوه يقولي خليكي زي بنت خالتي وبنت عمتي ، بعد شويه بدأ يمد ايده عليا و حاجه اخر اهانه ، انا بحبه و مش عايزه اسيبه انا عايزه اغيره ارجوكي ساعديني

كنوز بـ هدوء زائف :-
واحد بيضربك و بيقولك شكلك وحش و بعد ده كله لسه بتحبيه...!

الفتاه بـ تعجب :-
اها بحبه انا قلبي مش ملكي علي فكرا

كنوز وبدأ صوتها فـ العلو :-
لا ملكك لما توصل لكرامتك يبقي ملكك اطلعه من مكانه و ادوس عليه لو هينزل من مستوايا الحب من غير كرامه مينفعش ، ميبقاش حب لا ده يبقي تضيع وقت ، هو ميستاهلش نص حبك ليه لازم هو يشوفك نجمه غاليه فـ السماء و بعدين سوري يعني انت سكتي ده كله لازم يسوق فيها وجايه تقوليلي انا بحبه ..!

الفتاه بـ حده و دموع :-
ايوه بحبه مهما عمل بحبه مش قادره اكرهه انتي ليه مش عايزه تنصحيني ارجعه ليا انتي عايزه جنازه و تشبعي فيها لطم

كنوز بـ حده :-
الجمعيه دي لـ حقوق المرأه ، بس طالما المرأه مش عارفه حقوقها يبقي تتفضل من هنا
انا مبخربش بيت حد انا شايفه ان الست دي كائن غالي اوي و ابن ادم مالوش حق انه يعمل كده اللي يمد ايده علي واحده ست ميبقاش راجل ده يبقي حيوان

الفتاه بـ اقتناع نوعا ما :-
بس انا اللي كنت بستفزه بـ الكلام

كنوز بـبرود :-
برضو مالوش حق يضربك بصي انا ممكن اساعدك فـ حاجه واحده بس اني اخلعه ليكي لكن اي حاجه تانيه سوري

_ الفتاه بـ حده :-
انتي مبتحسيش

_ نظرت لها ولم تتحدث لانها اذا تحدثت لن تصمت و هي ليس لديها وقت لهذا نظرت لها و خرجت من المكان ..!
~ ~ ~ ~ ~ ~ ~

_ طلع امر بـ ضبط و احضار مهاب الجبالي

_ قال جملته وهو يريح ظهره علي المقعد ناظرا لـ السقف واكمل قائلا :-

_ هاروح انا اجيبه

مروان بـ توجس :-
م بلاش يا مُصعب

مُصعب بـ نفي :-
لا لازم اعمل شوشره كده يمكن يخاف

ابتسم عليه وقال :-
مُشكله انت يا صاحبي ، الاستدعاء يوم ايه

مُصعب بـ تنهيده :-
بكرا ، مش عارف ايه سر اليوم ده

مروان بـ تفكير :-
لازم ندس حد من رجالتنا فـ ڤيلا مهاب علي الاقل نعرف اخباره

اومأ بالرفض قائلا :-
لا بلاش انا فـ دماغي حاجه و هنفذها

مروان بـ هدوء :-
تمام ، اها صح ، كنوز قدمت طلب بـ تأجيل الجلسه لحين استدعاء مهاب

مُصعب :-
تصدق بالله ، طلع ليها لازمه دكتوره حقوق الانسان دي

ضحك مروان و قال :-
يا بني والله لو ليلي شافتها هتدبسك فيها

مصعب :-
يا بني عندها استعداد تعمل اي حاجه بس اتجوز محسساني اني هنعس جمبها

_ نهض من مقعده و سط ضحكات ذلك البارد الذي اغضبه جدا وقال له :-

_ انا قايم عشان مقتلكش انهارده

مروان بـ تساؤل :-
رايح النادي ..!

اومأ له دون رد و خرج من مكتبه تاركا الاخر خلفه

~ ~ ~ ~ ~ ~ ~

_ ظلت تركض لتخرج الغضب المكبوت بـ داخلها ، تحمل كميه غضب كبيره مما حدث اليوم ، هي ليست محبه لـ دمار البيوت لكنها ايضا تؤمن كثيرا بـ حقوق المرأه المصريه ، صدر صلب التصقت به وضعت يدها علي رأسها و رفعت انظارها وسط حديثها :-

_ يخربيت العضلات علي اللي اخترعها علي اللي عاوزها دماغي راحت

_ قهقه بخفه عليها و قال بـ برود :-
اهلا بـ طنط حقوق الانسان

كنوز بـ ضيق :-
اسمي كنوز ، مش صعب علي فكرا

مُصعب بـ استفزاز :-
كنوز ده محصلتيش خاتم فضه يا شيخه

_ كادت ان تتركه و تذهب و هي تخرج نيران من أذنها بسبب حديثه البارد المستفز لها ، لكن يده منعتها ،

_ شرر ..!
شرر خرج من عينيها كيف هذا كيف يمسك يديها مهلا مهلا ستلقنه درسا لينتظر قليلا فقط

_ رفعت انظارها له قائله بعد ان سحبت يديها عافيه :-

_ لو حصلت تاني ايدك هتوحشك

_ تركته ، و استغرب هو جدا من نبرتها كأنه اعتدي عليها ليست مسكه ايد بدون قصد فقط ..!

~ ~ ~ ~ ~ ~ ~ ~

_ فـ صباح يوم جديد

_ صوت رنين جرس عمّ فـ المكان بـ اكمله ، لـ تخرج فتاه شابه من المطبخ ، فتحت الباب لـتشهق بخوف قائله

_ انتو مين

_ ظهر من بين الرجال خلع نظارته بـ كبرياء قائلا :-

_ الرائد مُصعب الهلالي

~ ~ ~ ~ ~ ~ ~ ~